Бүгін Талдықорғанда танымал тележурналист, Қазақстанның мәдениет қайраткері марқұм Бейсен Құранбекті ел-жұрт соңғы сапарға шығарып салды. Қоштасу рәсімі өзі құрылысына араласып, үлес қосқан Журналистер үйінің ғимаратында өтті. Миллиондаған телекөрерменнің сүйікті журналисі болған әріптесіміздің өмірден кете барғаны күллі қазақстандықтардың қабырғасын қайыстырды.
