Қазақстан мен Орталық Азия мемлекеттері ұстараның жүзінде тұрғандай күй кешіп келе жатыр десе болатын шығар. Өйткені геосаясаттағы ахуалы күрделі деуге келетін елдерміз. Аю мен Айдаһардың ортасында абайлап жүріп, анық басқымыз келеді. Батыс пен АҚШ-қа қарай мойнымызды созып қарап та қоямыз. Ал сол Аюдың да, Айдаһардың д, Батыс пен АҚШ-тың да біздің аймақтарымызда мүддесі бар. Араларында сол мүддеге талас та бар. Ал мүдде дегені – ықпалын жүргізу, геосаясатта оң жамбасына келтіру. Әрине, экономикалық мүдде де алдыңғы қатарда тұрады.
