Еліміздің оңтүстігінде зардап шеккен ауылдарды тазалау жұмысы басталды. Бұл туралы Түркістан облысы ауыл шаруашылығы басқармасы ветеринариялық шараларды ұйымдастыру бөлімінің бас маманы Арман Тағаев мәлім етті. Оның айтуы бойынша, судың астында қалған мал өлекселері шығарылды. Оларды жою үшін Нұр-Сұлтан қаласынан жеткізілген арнайы пеште 1200 градус температурада өртеу жұмыстары жүріп жатыр.
