Inbusiness.kz теңгенің долларға, еуроға және рубльге қатысты бағамына арналған кезекті апталық валюта болжамын оқырман назарына ұсынады (18 қараша-22 қараша).

  11-15 қарашаға арналған валюта болжамы
 

Қаржы аналитиктері келесі аптада қазіргі тенденциялар сақталады деп болжап отыр. Олардың пікірінше, теңге бағамына мұнай бағасы, Бейжің мен Вашингтон арасындағы сауда келісіміне қатысты жаңалықтар әсер етпек. Сондай-ақ сарапшылар келешекте салық кезеңінің теңге бағамына оң әсерін тигізетінін айтты. Аналитиктер Ресей Орталық Банкінің шешімі, Федералдық қор жүйесінің мәлімдемесі, Гонконг ереуілдері мен ішкі экономикалық статистикаға тоқталды.

Сарапшылардың толық пікірін сайт әзірлеген кезекті сауалнамадан оқи аласыздар:

Анна Бодрова, «Альпари» бас аналитигі:
Қазір нарықтағы жағдай тұрақтылық танытып отыр. Мұнай бағасы сәл төмендеп, баррелі 61-63 доллар болды. Бұл теңге үшін өте қолайлы. Қазір әлемдік инвесторлардың назары іркіліп қалған екі алпауыттың сауда келісімінде. Осы фактор келесі аптада теңгеге әсер етуі мүмкін.
Келесі аптаға болжамым: доллар 387-389 теңге, еуро 427-432 теңге, рубль 6,05-6,10 теңге, юань 55-56 теңге болады деп ойлаймын.
 

Айдар Қалиаскар, Forex Club қаржы скауты:
Жұма күні Қазақстанда ұлттық валюта күні атап өтілді. Бұл күні Қазақстанда қаржылық нарықты дамыту және реттеу Агенттігі құрылатыны туралы жарияланды. Ол 2020 жылдың 1 қаңтарында жұмысын бастайды. Әлемдік валюталық нарықтағы жағдай тұрақсыздық танытуда. Инвесторларды Қытай мен АҚШ сауда текетіресі алаңдатып отыр.
Біздің болжам  бойынша, келесі аптада АҚШ доллары 387-388 теңге, еуро 428-429 теңге, рубль 6,1-6,2 теңге, юань 55,5-56 теңге болады.




 

Дмитрий Лукашов, IFC Markets аналитигі:

Өткен аптада теңгенің негізгі валюталарға қатысты бағамы өзгермеді. Еліміздің энергетика министрлігінің дерегі бойынша, қаңтар-қазан айларында мұнай экспорты 0,9 пайызға көтеріліп, 59,6 млн тонна болды. Мұнай өндірісі 0,3 пайызға өсіп, 74,8 млн тонна болды. Нәтижесінде ЖІӨ 4,4 пайызға дейін өсіп, бөлшектік сауда 5,5 пайызға жетті.
Келесі аптада АҚШ доллары 386-391 теңге, еуро 425-435 теңге, рубль 6,03-6,15 теңге, юань 54,8-55,9 теңге болады.

Сергей Дроздов, «Финам» компаниялар тобының аналитигі:
Сауда нәтижесінде америкалық биржа алаңдарының көрсеткіштері айтарлықтай өзгермеді.S&P500 индексі 0,08 пайызға өсіп, 3096,63 деңгейіне жетті. Dow Jones 0,01, ал NASDAQ 0,04 пайызға кеміді. MSCI Emerging Market индексі 0,2 пайызға төмендеді. АҚШ-тағы 10 жылдық қазынашылық облигациялардың кірістілігі шамамен 7 базистік пунктке төмендеп, 1,87 пайыз болды. Германияның 10 жылдық облигацияларының кірістілігі 4 базистік пунктке азайып, -0,26% болды.
Инвесторлар Вашингтон мен Бейжің арасындағы сауда келіссөздерінің нәтижесін күтуде. Федералдық қор жүйесінің басшысы Джером Пауэлл АҚШ экономикасы құлдырауға ұшырамайды деген мәлімдеме жасады. Сауда қорытындысы бойынша, мұнай бағасы 0,32%-ға пайызға төмендеп, 62,42 доллар болды. Бұған америкалық мұнай қорының көбеюі себеп болып отыр.
Біздің болжам: келесі аптада АҚШ доллары 386-390 теңге, еуро 427-431 теңге, рубль 5,9-6,1 теңге, юань 55-55,80 теңге болады.


 

Мұрат Қастаев, «DAMU Capital Management» ЖШС бас директоры:
Осы аптада теңге бағамы өзгермеді. ОПЕК бас хатшысының айтуынша, мұнайға деген сұраныс келесі жылы өседі. Ұйым мұнай өндірісін осы режимде қалдырмақ. АҚШ пен Қытай тараптары келіссөздердің бірінші кезеңіне дайындалып жатыр.
Еуроаймақта ЖІӨ 1,6 пайыздан 1,7 пайызға өсіп, еуро нығайды. Доллар нығайып, юань бағамы әлсіреді.
Келесі аптада теңге бағамына салықтық апта әсер етпек.
Біздің ойымызша, келесі аптада бір доллар 383-385 теңге, бір еуро 430-432 теңге, бір рубль 6,05-6,15 теңге, бір юань 55,5-56 теңге болады.

Серік Қозыбаев, «Астана-Инвест» Инвестициялық үйі» АҚ инвестициялық анализ бөлімінің басшысы:
Мұнай бағасына оң және кері әсер ететін факторлар бар. Негізгісі: сауда келіссөздері. Жалпы, шикізат бағасы тұрақты.  Жыл соңына дейін құны 58-63 доллар көлемінде болады деп ойлаймын. Бұл қазақстандық және ресейлік валюталарға қолайлы.
Рубльге қолдау көрсетіп отырған - мұнай бағасының тұрақтылығы, Ресей Орталық банкінің шешімі мен доллардың әлсіреуі. Теңге бағамы жыл соңына дейін өзгеріссіз қалады.
Келесі аптада АҚШ доллары 385-390 теңге, еуро 425-435 теңге, рубль 5,95-6,15 теңге, юань 55-56 теңге болады.

Әли Сағындықов,  «Евразийский Капитал» АҚ аналитигі:
Теңге бағамы мұнайға тікелей байланысты. АҚШ-тың мұнай қоры көбейгенімен, апта соңында шикізат құны қымбаттап кетті. Мұнай бағасының өсуіне ОПЕК+ елдерінің өндірісті қысқартуға қатысты келісімі әсер етіп отыр.
Болжам бойынша, келесі аптада АҚШ доллары 387-390 теңге, еуро 427-431 теңге, рубль 6,04-6,13 теңге, юань 55-55,8 теңге болады.