Inbusiness.kz теңгенің долларға, еуроға, юаньға және рубльға қатысты бағамына арналған кезекті апталық валюта болжамын оқырман назарына ұсынады (18 қаңтар – 22 қаңтар).

11 – 15 қаңтарға арналған валюта 

Келесі аптада қазақстандық валютаға әдеттегідей макроэкономикалық факторлар әсер етті. Inbusiness.kz басылымында өз болжамдарын айтқан сарапшылар мұнай бағасын, доллар индексі мен пандемияны сөз етті. Сондай-ақ Джо Байденнің инаугурациясын, Федералды қор жүйесінің мөлшерлемеге қатысты шешіміне де тоқталды.

Сарапшылардың толық пікірін сайт әзірлеген кезекті сауалнамадан оқи аласыздар:

Анна Бодрова, «Альпари» бас сарапшысы:

Қаңтар айының ортасындай теңге бағамы нығайды. Brent сұрыпты мұнай баррелі шамамен 55,75 долларға саудаланып жатыр. Доллар бағамы нығаюда, бірақ шикізат факторы нарықты тұрақтандырып отыр. Келесі аптада да осы динамика сақталады. Джо Байденнің инаугурациясы нарыққа әсер етуі мүмкін.Менің болжамым бойынша, осы аптада бір доллар 417-422 теңге, бір еуро 505-520 теңге, бір юань 64-66 теңге, бір рубль 5,50-5,85 теңге болады.

Айдар Қалиасқар, Forex Club қаржы скауты:

Қазақстандық қор биржасында теңгенің негізгі валюталарға қатысты бағамы нығайды. Мұндай динамикаға Қазақстанның үкіметінің отставкаға кетуі түрткі болды. Теңге бағамына мұнай бағасының төмендеуі кері әсерін тигізді. Инвесторлардың ойынша, індеттің таралуы шикізатқа деген сұранысты азайтпақ. Келесі аптада теңге бағасы қазіргі деңгейде сақталады. Менің ойымша, бір доллар 417-419 теңге, бір еуро 510-512 теңге, бір юань 64,9-65,1 теңге, бір рубль 5,7-5,9 теңге деңгейінде болады.

Андрей Маслов, «ФИНАМ» КТ сарапшысы:

Теңгенің доллар, юаньға мен еуроға қатысты бағамы өзгермеді. Теңге мен мұнай секторына Джо Байденнің экономикансы ынталандыру туралы айтқан мәлімдемесі әсер етті. АҚШ-тың Федералды қор жүйесінің төрағасы Джером Пауэлл пайыздық мөлшерлемені көтермейтінін мәлім етті. Бұған қарамасытан апта соңында доллар көтерілді. Әлемдегі эпидемиологиялық ахуалға қарамастан, нарықта risk-on орын алды. Яғни қазіргі жағдай дамушы елдерге өте қолайлы болып отыр. Алдағы аптада бір доллар 418-423 теңге, бір еуро 508-510 теңге, бір рубль 5,40-5,85 теңге, бір юань 64,70-65,10 теңге болуы ықтимал.

Дмитрий Лукашов, SoftLink сарапшысы:

Өткен аптада теңгенің долларға қатысты бағамы өзгермеді. Еуро, юаньға қатысты бағамы нығайып, рубльға қатыстысы әлсіреді. Теңгеге мұнайдың қымбаттауы оң әсерін тигізді. Апта бойы Brent сұрыпты мұнай баррелі 57,3 долларға саудаланды. ОПЕК+ келісімі бойынша Қазақстан мұнай өндірісін 4,8%-ға азайтып, 85,7 млн тоннаға жеткізді. Инфляция деңгейі 7,5% болды. Менің болжамым бойынша, алдағы аптада бір доллар 416-423 теңге, бір еуро 504-515 теңге, бір юань 64,5-65 теңге, бір рубль 5,6-5,8 теңге болады.