Іnbusiness.kz теңгенің долларға, еуроға және рубльге қатысты бағамына арналған кезекті апталық валюта болжамын оқырман назарына ұсынады (27 мамыр  – 31 мамыр). ​

20 мамыр  – 24 мамырға арналған валюта болжамы

Іnbusiness.kz сауалнамасына қатысқан сарапшылар тағы да энергия тасымалдаушылар нарығына мән берді. Апта соңында төмендеген мұнай котировкасына сауалнамаға қатысқан барлық сарапшы тоқталып өтті.

Екінші бір басты триггер АҚШ пен Қытай арасындағы шиеленіскен сауда қатынасы болып қала бермек. Бұған «Астана-Инвест» инвестициялық үй» АҚ және «ФИНАМ» КТ мән берді. Сондай-ақ «Астана-Инвест» инвестициялық үй» АҚ және Forex Club сарапшылары ресейлік рубльдің қозғалысына да тоқталып кетті.

Басқа да факторлар ішінен сарапшылар әлемдік инвесторлардың тәуекелге қатынасын («Альпари»), Ресей мен Беларусь басшыларының алдағы кездесуін (Forex Club), Brexit  жайын («ФИНАМ»), сондай-ақ АҚШ ФРЖ-сы саясатын және Қазақстанның мемлекеттік қарызын арттыруға (IFC Markets) тоқталды. .

Сарапшылардың толық пікірін inbusiness.kz.әзірлеген кезекті сауалнамадан оқи аласыздар.

Анна Бодрова, «Альпари» ақпараттық-сараптамалық орталықтың аға сарапшысы:

 Егер мұнай саласында жағжай дұрысталып, әлемдік инвесторлар тәуекелге мән беретін болса, мамыр айының соңғы аптасы теңге үшін тыныш өтеді. АҚШ долларына қатысты болжам 377,50-380,20 теңге, еуро бойынша 420,50-424,00 теңге, рубль бойынша 5,82-5,89 теңге болады деп отырмыз. Егер қаржылық нарықтарда құбылмалық болатын болса, шама одан да жоғары болады. 

Серік Қозыбаев, «Астана-Инвест» инвестициялық үй» АҚ-ның инвестициялық талдау бөлімінің басшысы:  

Бейсенбі күні мұнай бағасы айтарлықтай төмендегеннен кейін, рубль де төмендеді. Алайда жұма күні төмендеуін тоқтатты. «Қара алтын» бағасының төмендеуіне АҚШ-тың мұнай қоры туралы мәліметінде мұнай өскеннен кейін, АҚШ пен Қытай арасындағы сауда қақтығысы күшейгені себеп болды. Инвесторлардың басты қорқынышы – сауда соғысы Қытай экономикасына кері әсер етуі мүмкін. Рубльдің төмендеуін алдағы аптадаға салық кезеңі ретке келтіруі мүмкін. Сондықтан алдағы аптада валюта бағамдарында қатты құбылмалық болады деп ойламаймын.

Алдағы аптада бір АҚШ доллары 64-66 рубль , бір рубль 5,8-5,9 теңге, бір доллар 375-380 теңге, бір еуро 421-428 теңге, Brent маркалы мұнайдың бір баррелі 65-67 доллар, биткойн 7700-8300 доллар болады деп отырмын. 

Айдар Қалиаскар, Forex Club-тың қаржылық скауты:

27 мамыр мен 2 маусым аралығында теңге бағамына мұнайдың әлемдік бағасымен белгіленетін болады. Ал әлемдік мұнай бағасы соңғы кезде өте құбылмалы және нарыққа түскен жаңалықтар легіне қарай бағытын үнемі өзгертіп отыр.

Жалпы мұнай котировкасы өсуі мүмкін. Таяу Шығыстағы шиеленіскен жағдайдың жағымсыз әсерінен, сондай-ақ Иран мен Венесуэланың мұнай көлемі жайлы ұсынысына қарсы америкалық экономикалық санкциялардың болуынан, мұнай бағасы өсуі мүмкін.

Сондай-ақ теңге мұнай бағасы кқтерілгенде көтерілетін ресейлік рубльдің де динамикасына тәуелді болады.

Теңге үшін тағы бір маңызды жайт – 29 мамырға белгіленген Ресей президенті мен Беларусь президентінің кездесуі болмақ. Осы аптада мемлекет басшылары Минскінің Қазақстаннан мұнай сатып алуын талқылайтын болады. Бұл ретте Қазақстан Минскіге мұнай жеткізуге дайын екенін хабарлаған.

Алдағы аптада теңгенің долларға шаққандағы бағамы 378,5-379 теңге, еуроға қатысты бағамы 424-426 теңге, ал рубль 4,5-5,5 теңге болады болжап отырмыз.

Алексей Коренев,  «ФИНАМ» компаниялар тобының сарапшысы:

Бейсенбі күні басталған көмірсутектердің айтарлықтай төмендеуі қазақстандық теңге бағамына қатты әсер етуі мүмкін. Бір жағынан алып қарайтын болсақ, мұнай бағасының кешегі түскенінен кейін, айтарлықтай түзету болуы да мүмкін. Қазіргі факторларға және АҚШ пен Қытай арасындағы сауда соғысы, ЕО-дан шыққан кейінгі Британия мәселелерінің жалғасуынан және әлемдік экономиканың өсу қарқынының төмендеуінен қолдау тапқан халықаралық нарықтардағы сақталып отырған тұрақсыздық салдарынан, алдағы аптаның соңына қарай теңгенің долларға қатысты бағамы 380,15-380,55 теңге, еуроға қатысты 425,55-426,35 теңге және рубльге қатысты 5,87-5,89 теңге болуы мүмкін.

Дмитрий Лукашов, аналитик IFC Markets:

Өткен аптада теңгенің долларға қатысты бағамы еш өзгермеді, ал рбуль мен еуроға қатысты бағамы біршама төмендеді. Осылайша, әлемдік мұнай бағасының төмендеуі әзірше қазақстандық валютаға жағымсыз әсер еткен жоқ. АҚШ-тағы мұнай қоры 2017 жылдың шілдесіндегі шамаға дейін өскеннен кейін, Brent бір апта ішінде 6%-ға дейін арзандады.

Теңгенің рубль мен еуроға қатысты бағамының шамалы төмендегені, менің ойымша, сыртқы факторлар әсерінен орын алды. Нарықа қатысушылар АҚШ ФРЖ-сы биылғы жылы мөлшерлемені төмендетуді жалғастырады деп отыр. Бұған қоса америкалық валютаға мамыр-сәуір айларында АҚШ-тағы өндірістік белсенділігіне қатысты бірқатар мәліметтің әлсіз болғаны жағымсыз әсер етті.

Өткен аптада теңге Қазақстанның мемлекеттік қарызының 2018 жылы 14%-ға артқаны жайлы жағымсыз факторды елемеді. ІЖӨ-ге қатысты мемлекеттік қарыз 25,8%-ға жетті. Ресейде аталған көрсеткіш екі есеге төмен және ол RUB/KZT бағамына қолдау болуы мүмкін.

Алдағы аптада құбылмалық диапазоны бір рубль үшін 5,83-5,95 теңге, доллар үшін 376-382 теңге, еуро 420-429 теңге болады деп отырмыз.

Мұрат Қастаев, DAMU Capital Management ЖШС бас директоры: