/img/tv1.svg
RU KZ

Валюта болжамы

Inbusiness оқырмандарға теңгенің доллар, рубльге және еурога қатысты бағамы бойынша апта сайынғы валюта болжамын ұсынады

7 қыркүйек – 11 қыркүйек

мұрағат

Inbusiness.kz теңгенің долларға, еуроға және рубльге қатысты бағамына арналған кезекті апталық валюта болжамын оқырман назарына ұсынады (7 қыркүйек – 11 қыркүйек).

 

31 тамыз – 4 қыркүйекке арналған валюта болжамы

 

 

Бірқатар сарапшы  теңге бағамына сыртқы факторлар әсер етеді деген пікірде. ОПЕК елдерінің өндіріс көлемін бұрынғы қалыпқа келтіруінен арзандап жатқан мұнай құны мен сұраныстың азаюы валютаға  әсер етіп отыр. Сонымен қатар олар өз болжамдарында доллардың басқа валюталарға қатысты индексінің өсімін атап өтті. Және қазақстандық экономиканың көрсеткіштері мен ҚР Ұлттық банкінің пайыздық мөлшерлемеге қатысты отырысына тоқталды.

Сарапшылардың толық пікірін сайт әзірлеген кезекті сауалнамадан оқи аласыздар:

 

Анна Бодрова, «Альпари» бас аналитігі:

Қыркүйек айының басы теңгенің доллар мен еуроға қатысты бағамдары үшін ауыр кезең болады. Мұнай нарығындағы жағдай мәз емес. Brent сұрыпты мұнай баррелі 43,80 долларға саудаланып жатыр, әлі нарық оңала қоймады. Бұл факторлар теңгеге кері әсер ететіні сөзсіз. Бірақ айтарлықтай жағымсыз ықпал болмайды. Менің ойымша, келесі аптада бір доллар 418-422 теңге, бір еуро 490-515 теңге, бір юань 61-63 теңге, бір рубль 5,50-5,85 теңге болады.

 

 

 

 

 

Айдар Қалиасқар, Forex Club қаржы скауты:

Өткен аптада теңгенің негізгі валюталарға қатысты бағамы әлсіреді. ҚР Ұлттық банкінің пікірінше, ұлттық валютаның әлсіреуіне бірнеше фактор түрткі болып отыр. Мысалы, әлемдік нарықта доллардың нығаюы, күзде америкалық мұнай өңдеуші зауыттардың уақытша жабылуы, ОПЕК елдерінің өндірісті жандандыруы сияқты факторлар бар. Навальныйдың улануы мен Беларусьтағы ереуілдер рубльдың әлсіреуіне әкеліп соқты, артынан теңге де құнын жоғалтып жатыр.

Менің ойымша, келесі аптада бір доллар 421-423 теңге, бір еуро 497-499 теңге, бір рубль 5,7-6 теңге, бір юань 61,5-61,9 теңге болады деп ойлаймын.

 

 

 

Серік Қозыбаев, «Инвестицияонный дом» Астана-Инвест» АҚ инвестициялық анализ бөлімінің басшысы:

Теңге бағамы рубльға сәл де болса тәуелді екені белгілі. Қазір рубльға тұрақты мұнай бағасы мен әлсіз доллар қолдау болып отыр. Ал Навальныйға байланысты санкциялар, пандемияның өршуі мен Беларусьтағы жағдайдың ушығуы рубльға кері әсерін тигізуі мүмкін. Теңге мен рубль бағамы 5,8-ден 5,6-ға төмендеді. Ұлттық Банк осы орайда интервенция жасаған болуы мүмкін. Келесі аптада теңге сәл әлсіреуі ықтимал.

Менің болжамым бойынша, бір доллар 420-425 теңге, бір еуро 493-503 теңге,бір юань 61-62 теңге, бір рубль 5,55-5,65 теңге болады.

 

 

 

Дмитрий Лукашов, SoftLink аналитигі:

Өткен аптада теңгенің доллар мен юаньға қатысты бағамы әлсіреп, рубль мен еуроға қатысты бағамы нығайды. Бұған доллардың әлемдік валюталарға қатысты индексінің өсуі мен шикізат бағасының төмендеуі себеп болды. АҚШ-тағы жұмыссыздық деңгейінің өзгермеуі кесірінен жаһандық сұраныс азайып, Brent өткен аптада 2%-ға арзандады.  Қазақстандық экономиканың көрсеткіштері тұрақты. Қаңтар және тамыз айлары аралығындағы инфляция 4,6% болды. Тамызда көрсеткіш 7% деңгейінде тіркелді. Бұған дейін Ұлттық банкі 8-8,5% болады деп болжаған еді. Қазіргі инфляция деңгейі пайыздық мөлшерлемені төмендетуге мүмкіндік бермейді.

Келесі аптада бір доллар 418-423 теңге, бір еуро 491-502 теңге, бір рубль 5,5-5,7 теңге, бір юань 60,5-61,5 теңге болады деп ойлаймын.

 

 

 

 

Мұрат Қастаев, «DAMU Capital Management» ЖШС бас директоры:

Америкалық қор нарығындағы көрсеткіштер өткен аптада құбылды. Brent сұрыпты мұнай баррелінің құны арзандап, 40 доллардан түсіп кетті. Егер де осылай жалғасса, теңге кері әсерін сезуі мүмкін. Бірақ инвесторлар бұл жай ғана реттеу шаралары деген пікірде. 7  қыркүйекте ҚР Ұлттық банкі пайыздық мөлшерлемеге қатысты шешім қабылдайды. Біздің ойымызша көрсеткіш еш өзгермейді.

Келесі аптада бір доллар 415-425 теңге, бір еуро 495-505 теңге, бір юань 61-63 теңге, бір рубль 5,6-5,65 теңге болады деп ойлаймын.