Министрдің сөзінше, коронавирусқа қарсы вакцина осы айда ел аумағына енеді, деп хабарлайды inbussines.kz тілшісі.
"1 ақпаннан КВИ-ге қарсы вакцинация науқаны жалғасып жатыр. 1 сәуірден вакцинациялауға жататын тұлғалар санаты кеңейтілді. Кестені жергілікті атқарушы органдар әзірлейді. Бүгінде бірінші компонент 197 706, екінші компонент 72 110 азаматқа салынды. Республика бойынша 1 мың тұрғынға шаққандағы көрсеткіш 10,3-ті құрайды", – деді Алексей Цой.
Оның айтуынша, сәуірде елге вакцинаның 2 млн дозасы жеткізіледі.
Көрсетілген доза вакцинациялауға жататын тұрғындардың 23,4%-ын қамтиды.
"Иммундау жоспарына сәйкес, өңірлерге вакцина жеткізу көлемі мен алдын ала мерзімі айқындалған. Қазіргі эпидемиологиялық ахуалды ескере отырып, сәуірде вакцина жетізу көлемі Нұр-Сұлтанда 284, Алматыда 464, Шымкентте 172 мыңға, Алматы облысында 232, Қарағанды облысында 217 мыңға
ұлғайтылды", – деді денсаулық сақтау министрі.
Қанат Махамбет
