2026 жылдың 1 қаңтарынан бастап елімізде жаңа автокөліктердің бағасы шамамен 3-4% өседі, деп хабарлайды inbusiness.kz сайты.
Ескерте кетерлігі, баға өсімі тек импорттық көліктерге қатысты болмақ. Ал Қазақстанда құрастырылатын автокөліктердің бағасы өзгеріссіз қалады. Осы орайда, "неге отандық көліктер қымбаттамайды?" деген заңды сауал туындауы мүмкін.
Оның басты себебі, ҚҚС 12%-дан 16%-ға көтерілгеніне қарамастан, қазақстандық зауыттар өндірісті оңтайландырып, локализацияны тереңдету арқылы баға өсімін ұстап қалуға тырысады. Маңыздысы, көліктің шығыны тек сатып алу бағасымен ғана шектелмейтінін түсінуіміз керек.
Әлбетте, негізгі шығын – сервис пен қосалқы бөлшектер. Импорттық бөлшектер қымбаттаған уақытта, отандық көлікті ұстау ұзақ мерзімде арзанырақ болуы мүмкін.
Бұған дейін еліміз Грузиядан ең көп автомобиль импорттаған ТОП-3 мемлекеттің қатарында тұрғанын жаздық.
Одан бөлек қазақстандықтар сатып алған ТОП-10 автокөлік бренді анықталған еді.
