/img/tv1.svg
RU KZ
«7-20-25»: 36 мыңға жуық өтінім қабылданды

«7-20-25»: 36 мыңға жуық өтінім қабылданды

Нәтижесінде 240,68 млрд теңге сомасына қарыз беруге 20 693 өтінім мақұлданды.  

10 Тамыз 2020 20:55 143

 «7-20-25»: 36 мыңға жуық өтінім қабылданды

«7-20-25» бағдарламасын іске асыру шеңберінде 2020 жылғы 6 тамыздағы жағдай бойынша қарыз алуға 414,32 млрд теңге сомасына 35 910 өтінім қабылданды, деп хабарлайды ҚазАқпарат.

«7-20-25» бағдарламасы бойынша сұрақтарыңыз болса, «Қазақстан орнықтылық қоры» АҚ-на + 7 (727) 227-20-25 нөмірі бойынша тәулік бойы хабарласуыңызды сұраймыз. Сонымен қатар ипотекалық ұйымның ресми интернет-ресурсында сілтемесі бойынша қосымша ақпаратпен таныса аласыз.

 

Ақтөбе облысында «7-20-25» бағдарламасы бойынша 202 өтінім мақұлданды

Екінші деңгейлі банктер арасында несие беруде «Центр Кредит Банкі» алда тұр, оларға барлық тұрғын үй несиелерінің 67%-ы тиесілі.

24 Қаңтар 2019 17:05 624

Ақтөбе облысында «7-20-25» бағдарламасы бойынша 202 өтінім мақұлданды. Бұл туралы Ақтөбе қаласы әкімінің орынбасары Ұшқын Мыңбаев мәлімдеді, деп хабарлайды өңірлік коммуникациялар қызметі

«Біздің облыста екінші деңгейдегі банктер 3079,0 млн теңгеге 364 өтінім қабылдады. Оның 202-сі қазір 1776,0 млн теңгеге мақұлданып отыр. «Центр Кредит Банкі» екінші деңгейлі банктер арасында несие беруде көш бастап тұр, оларға барлық тұрғын үй несиелерінің 67% берілді», – деді  Ұшқын Мынбаев БАҚ өкілдеріне.

Естеріңізге сала кетейік, «7-20-25» мемлекеттік бағдарламасының негізгі талаптары: жеке меншікте тұрғын үйдің болмауы, төлем қабілеттілігін растау, тұрғын үйдің жалпы құнының 20% мөлшерінде бастапқы жарнасының болуы.

Баспасөз туры барысында БАҚ өкілдеріне аталған бағдарлама аясында сатылатын пәтерлер көрсетілді, сондай-ақ, Ақтөбенің жылжымайтын мүлік нарығындағы жаңа өнім ұсынылды: бірінші кезекте қажет ететін тұрмыстық техникасы бар толықтай жиһаздалған пәтерлер,

Сондай-ақ, Ақтөбеде көп қабатты коммерциялық тұрғын үйлердің құрылысымен 25 компания айналысатыны атап өтілді. Негізгі құрылыс жұмыстары «Батыс 2» тұрғын алабында жүргізіледі.

Тұрғын үйдің әр шаршы метрінің құны коммерциялық тұрғын үйлердің қабатына байланысты 140 000 – 160 000 теңге.

«7-20-25» шеңберінде қарыз беруге 5 мыңдай өтініш мақұлданды

20 қаңтардағы жағдай бойынша, жалпы 8 866 өтініш қабылданған.

21 Қаңтар 2019 17:17 464

«7-20-25» бағдарламасы шеңберінде қарыз беруге 4 997 өтініш мақұлданды, деп хабарлайды Ұлттық банктің баспасөз қызметі.

«7-20-25» бағдарламасын іске асыру шеңберінде 2019 жылғы 20 қаңтардағы жағдай бойынша қарыз алуға 98,2 млрд теңге сомасына 8 866 өтініш қабылданды. Оның ішінде 57,4 млрд теңге сомасына қарыз беруге 4 997 өтініш мақұлданды», – делінген хабарламада.

«7-20-25» бағдарламасына қатысты сұрақтар бойынша «Баспана» ипотекалық ұйымына + 7 (727) 227-20-25 нөмірі бойынша тәулік бойы хабарласуға болады.