Үкімет отырысына кейінгі баспасөз мәслихатында "Астана LRT" мәселесіне қатысты бірқатар мәлімдеме жасап, Нұр-Сұлтан қаласының әкімі Алтай Көлгінов те шықты. Әкім шу шығып жатқан жобаны уақытында аяқтауға бел сыбана кіріскенін мәлімдеді. Ең бастысы – құрылыстың шығынын 350 млн долларға азайту жоспарын құрыпты. Яғни, жерүсті жеңіл рельсінің бекеттері бастапқы жоба бойынша 18 болса, енді 11-ге дейін қысқартылмақ. Сондай-ақ, 800 млн доллардан астам займға да кемітілмек. Ең бастысы әкім "Астана банкінде" күйіп кеткен 258 млн долларды барынша қайтаруға тырысатынын жеткізді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
