Alibaba Қытайда Сүрбойдақтар күніне орайластырылған әлемдегі ең ірі 24-сағаттық жаһандық онлайн-жаппай сауданың алғашқы сағатында Tmall платформасы арқылы 5 миллиард доллардың тауарын сатқан. Бұл туралы РИА Новости хабарлады.
Қытайда сүрбойдақтар күні мерекесі (Гуангуньцзе) жыл сайын 11 қарашада тойланады. Ол ХХ ғасырдың 90-шы жылдарының соңынан мерекелене бастады. Мереке негізінен жігіттер оқитын Нанкин қаласындағы университеттен бастау алған. "Жалғыз бастылар" өз-өздеріне сыйлық жасап, осылайша көңілдерін алдарқататын болған. Соңғы жылдары бұл үрдіс жаппай дәстүрге айналып, қытайлық сауда орталықтары мен онлайн-ритейлерлер осы күні жаппай сатылым ұйымдастырып келеді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
