"Сотқа дейінгі тергеу жүргізу кезінде жас баланы теуіп жіберген ер адам екі ай қамауға алынды", - деп жазды облыс ПД басшысы Instagram парақшасында.
Бір-екі күн бұрын Қарасай ауданының сауда-ойын-сауық орталықтарының бірінде болған ер адам 2019 жылы туған қыздың дене жарақатын алуына себепші болған.
Азамат К. - ның өтініші бойынша бұл факт ҚР ҚК 293-бабы 1-бөлігі "бұзақылық" бойынша аудандық полиция департаментінде тіркелді. Жедел-іздестіру іс-шарасы барысында тәртіп сақшылары 1998 жылы туған Түркия Республикасының азаматын дереу анықтап, полицияға жеткізді.
"Сараптама тағайындаумен барлық қажетті тергеу әрекеттері жүргізіледі. Тергеу барысын мен бақылауға алдым. ҚР ҚІЖК-нің 201-бабы тәртібіне сәйкес, өзге ақпарат жария етілмейді", — деп қорытындылады Б. Аленов.
23 шілде күні Қарасай ауданының Полиция басқармасына сауда ойын-сауық орталығында белгісіз ер адамның 4 жасар қызына дене жарақатын келтіргені туралы 1996 жылғы азаматшадан арыз түскенін еске саламыз. Тәртіп сақшылары бірден 1998 жылғы Түркия елінің азаматын ұстаған болатын.
