Өндіріс орны Индер ауданында ашылмақ. Бұл туралы аймақ басшысы Махамбет Досмұхамбетовтің төрағалығымен өткен отырыста аудан басшысы М.Қалауи мәлімдеді.
Индер ауданының әкімі Мейірім Қалауидың мәлімдеуінше, "қазіргі таңда құрал-жабдықтарды сатып алу жұмыстары мен мамандарды оқыту жүргізілуде. Аталған зауытта жергілікті 60 жұмысшы еңбек ететін болады. Зауыттың қуаттылығы сағатына 25 тонна ас тұзын өндіретін мүмкіндігі бар".
Сондай-ақ, Кәсіпкерлік және индустриялық-инновациялық даму басқармасының басшысы Әбдуахит Әбішевтің мәлімдеуінше, биылғы жылы 3 жоба іске қосылған. Олар: әр қайсысы 40 жұмыс орынды "BEST MODULE" ЖШС-ның метал өңдеу зауыты, Доктор Хаус ЖШС-нің "Медициналық бетперделер өндірісі" және Құрманғазы ауданынан "Бұйырғын" ауыл шаруашылығы өндірістік кооперативі.
Оған қоса, басқарма басшысының баяндауынша, өңдеу өнеркәсiбiнде қаңтар-қараша айларында өнеркәсiп өнiмiнiң көлемi 481,8 млрд теңге сомасын құраса, өңдеуші өнеркәсіптің экспорт көлемі 2020 жылғы қаңтар-тамыз айларында 758,9 млн АҚШ долларына жеткен. Ал, өңдеуші өнеркәсіпте негізгі капиталға салынған инвестициялардың көлемі қаңтар-қараша айларында 185,0 млрд теңгені құрап, 350,9% өссе, өңдеуші өнеркәсіптегі еңбек өнімділігі 2020 жылғы қаңтар-маусым айларында 1 адамға 31,5 мың АҚШ долларын құрап, нақты көлем индексі – 106,3% артқан.
Құралай Қуатова
