/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 376,04 Brent 36,55
Атырау ЖИТС орталығында – жаңа құрылғы

Атырау ЖИТС орталығында – жаңа құрылғы

 Адам ағзасында COVID-19 инфекциясының бар-жоғын бес сағатта анықтайтын заманауи құрылғыны жергілікті мұнай компанияларының бірі сыйға тартқан. 

06 Маусым 2020 18:18 195

Атырау ЖИТС орталығында – жаңа құрылғы

Атырау облыстық жұқтырылған иммун тапшылығы синдромына қарсы күрес орталығы короновирусқа қарсы жаңа құрылғыға қол жеткізді. Адам ағзасында COVID-19 инфекциясының бар-жоғын бес сағатта анықтайтын заманауи құрылғыны жергілікті мұнай компанияларының бірі сыйға тартқан. Аппарат Оңтүстік Кореяда жасалған. Ол реактивтерге байланысты мыңдаған вирусты анықтай алады және күніне отыздан астам сынаманың қорытындысын шығаруға қабілетті. Жұқпалы ауруларды таратпаудың алдын алуда құрылғының беретін көмегі өте зор деп есептеліп отыр. Қазір онымен жұмыс жасайтын мамандар арнайы оқытылуда.

«ЖИТС орталығы – Атырау облысы бойынша түрлі вирустарды тексеретін мекемелердің бірі. ПЦР аппаратының бізге берілуін сонымен де түсіндіруге болады. Бізде сараптама орталығы жұмыс жасайды. Бұл құрылғы тек мекеменің қажетіне жарамайды, оны аймақ тұрғындары да пайдаланып, игілігін көре алады», – дейді Атырау облыстық ЖИТС орталығының директоры Байтолла Ғазизов.

Құралай Қуатова

Атырау облысы денсаулық сақтау басқармасының басшысы қызметінен кетті

Облыстық денсаулық сақтау басқармасының міндеті уақытша Гүлнафис Танбаеваға жүктелді.

18 Сәуір 2020 11:47 191

Атырау облысы денсаулық сақтау басқармасының басшысы қызметінен кетті

Атырау облысы денсаулық сақтау басқармасының басшысы Байтолла Ғазизов өз еркімен қызметінен кетті, деп хабарлайды басқарманың баспасөз қызметі. 

Қазір облыстық денсаулық сақтау басқармасының міндетін Гүлнафис Танбаева уақытша атқаруда.

 

Байтолла Ғазизов Атыраудағы үш науқастың да жағдайын мәлім етті

Екінші науқас 17 наурыз күні келген.

27 Наурыз 2020 15:42 199

Байтолла Ғазизов Атыраудағы үш науқастың да жағдайын мәлім етті

Атырау облыстық коммуникациялар қызметінде өткен онлайн брифингте Атырау облысы денсаулық сақтау басқармасы басшысы Байтолла Ғазизов өңірдегі қазіргі коронавирустік инфекция жағдайы туралы хабардар етті.

«Өкінішке орай, бүгін коронавирус инфекциясын жұқтырған 3 адам анықталды. Бірінші науқас 21 наурыз күні Нұр-Сұлтан қаласынан Атырауға келген. 26 наурызда жоғарғы тыныс алу жолдарының инфекциясының белгілері болуына байланысты жедел түрде анализдер алынды. Нәтижесінде инфекция жұқтырғаны анықталды. Екінші науқас 17 наурыз күні Стамбұлдан Алматыға, одан кейін Атырауға ұшып келген. Нұр-Сұлтанда Стамбұлдан Алматыға келгендер арасында инфекция жұқтырған бір адам болғанын білесіздер. Соған байланысты қарым-қатынаста болғандықтан, кеше ол адамның анализін алдық. Нәтижесінде инфекция жұқтырғаны анықталды. Үшінші науқас Атырауға Амстердамнан кеше келген. Ол науқас бірден карантинге жатқызылып, оның да инфекция жұқтырғаны белгілі болды. Үш науқастың да жағдайы қанағаттанарлық. Тиісті протоколға сай емдеуге жатқызылып, ем-дом шаралары жасалып жатыр. Олардың жағдайлары тұрақты бақылауда», – деп Байтолла Ғазизов.

Нұржан Көшкін