"Ауылдың гүлденуі – Қазақстанның гүлденуі" марафоны басталады

"Ауылдың гүлденуі – Қазақстанның гүлденуі" марафоны басталады

01 Қазан 2021 12:41 496

 «Ауылдың гүлденуі – Қазақстанның гүлденуі» марафоны басталады
Қазақстан Республикасы Тәуелсіздігінің 30 жылдығын мерекелеу аясында ауылдық жерлерде тұратын азаматтардың өмір сүру сапасы мен әл-ауқатын жақсарту мақсатында 1 қазаннан бастап "Ауылдың гүлденуі-Қазақстанның гүлденуі" марафоны басталды, деп хабарлайды inbusiness.kz АШМ баспасөз қызметіне сілтеме жасап.

Марафон отандық ауыл шаруашылығы өнімдерінің бәсекеге қабілеттілігін арттыру, халық қолөнерінің элементтерін сақтау және көрсету, ауылдарды тұрақты дамыту мақсатында өткізіледі.

Іс-шара аясында отандық өндірушілердің ауыл шаруашылығы саласындағы жетістіктері мен өнімдерінің көрме-жәрмеңкелерін ұйымдастыру, деректі фильмдер түсіру, ауыл еңбеккерлерінің, еңбек ерлерінің, ғалымдардың, ауыл және аудандардың құрметті азаматтарының қатысуымен ауыл өмірі туралы мақалалар жариялау жоспарлануда.

Жергілікті атқарушы органдар тарапынан ұйымдастырылатын іс-шаралар негізінен ауыл шаруашылығы тауарларын ішкі және сыртқы нарықтарға жылжытуға, азаматтарды ауыл шаруашылығы саласында қол жеткізілген жетістіктермен таныстыруға, қазақстандық мемлекеттілікті сақтауға және нығайтуға, Қазақстан азаматтарының бірлік және патриотизм сезімдерін күшейтуге бағытталатын болады.

Іс-шаралар эпидемиологиялық жағдайды ескере отырып, 2021 жылғы 1-31 қазан аралығында қалаларда, аудандар мен ауылдарда өткізіледі.

 

Ұқсас материалдар:

bko-da-erekshe-korgalatyn-aumaktagy-agashtar-otalgan

ajelder-isteri-zhane-otbasylyk-demografiyalyk-sayasat-zhonindegi-ulttyk-komissiyanyn-otyrysy-otti

kazakstan-men-resej-biznes-ombudsmenderi-kasipkerliktin-damu-erekshelikterin-talkylady

sheneunikter-men-olardyn-tuystarynyn-mulki-men-akshalaj-operaciyalary-tekserilmek

nikolya-sarkozi-1-zhylga-sottaldy

загрузка

×