Өткен айда пойыз бен автобус соқтығысып, бір адам көз жұмғаннан кейін Шамалғандағы жол құрылысы ерекше қадағалаумен салынбақ, деп хабарлайды Atameken Business.
Нақтыласақ, "Орталық – Оңтүстік" дәлізіндегі "Астана – Қарағанды – Балқаш – Күрті – Қапшағай" күре жолының шойын жолмен түйісетін нүктесін "Қатаң бақылаудағы құрылыс" режиміміне енгізу көзделген. Өтпежолдың жұмыстары алдағы жылдың сәуір айында, ал жалпы құрылыс келер жылдың соңында аяқталмақ.
Еске салсақ, 15 қыркүйекте аталған аймақта пойыз бен жолаушылар көлігі соғылып, автобус жүргізушісі қаза болған еді. Аталған қиылыста бұрыннан-ақ ұзынсонар кептеліс болып, жүргізушілер бағдаршамға бағынбай өте береді екен.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
