/img/tv1.svg
RU KZ
Бір отбасының үш баласын көлік қағып кетті

Бір отбасының үш баласын көлік қағып кетті

Әйел үш баласымен бірге жолдың тыйым салынған жерінен өтпек болған.

18 Қыркүйек 2019 14:50 1645

Бір отбасының үш баласын көлік қағып кетті

Алматыда бір отбасының үш баласын көлік қағып кетті, деп хабарлайды ҚазАқпарат.

Оқыс оқиға Ұлжан шағын ауданындағы №152 мектептің маңында Тәкежанов көшесінде болған.

«18 қыркүйекте жедел жәрдем бригадасы 9, 6, 5 жастағы үш баланы жеткізді. Балаларды Ұлжан шағын ауданында көлік қағып кетті. 5 және 6 жастағы балалардың кеуде қуысы органдары соққысы алған. 9 жастағы бала жеңіл жарақат алған. Сондықтан ол амбулаториялық ем алуға үйіне жіберілді. Ал 5 және 6 жастағы балалар ауруханаға жатқызылды»,– деді қалалық қоғамдық денсаулықты сақтау басқармасының баспасөз қызметінен.

Дәрігерлер балалардың жағдайын орташа деп бағалап отыр.

Белгілі болғандай, анасы мен балалары жолдың тыйым салынған жерінен өтпек болған.

Шымкентте атысқандардың кім екендігі анықталды

Шымкент қалалық полиция департаментінің баспасөз қызметі дәмханада болған атысқа қатысты ақпарат берді. 

30 Қазан 2019 13:43 1256

Айта кетсек, Шымкенттегі дәмханалардың бірінде атыс болып, адам өлімі орын алғандығы туралы ақпарат тараған болатын. Бейресми деректер бойынша, оққа ұшқандардың екеуі көз жұмған.

«Оқиға орнында бір адам көз жұмған және әртүрлі дәрежедегі жарақат алған 5 адам медициналық мекемелерге жеткізілген»,– деп нақтылады полиция департаментінің баспасөз қызметі.

Оқиға болған жер тексеріліп, заттай айғақтар алынған.

«Барлық қажетті сараптамалар тағайындалып, ҚР ҚК-нің 99 бабы 2 бөлігінің 1 тармағы және 287 бабының 4 бөлігі бойынша сотқа дейінгі тергеп-тексеру амалдары жүргізілуде»,– делінген хабарламада.

Қазір күдіктілердің жеке басы анықталып, оларды ұстау шаралары жүргізілуде.

«Өзге ақпарат тергеу мүддесінде жария етуге жатпайды»,– дейді департаменттен.

Шымкентте атыс болып, 1 адам оққа ұшты

5 адам ауруханаға түскен.

30 Қазан 2019 09:42 7300

Шымкенттегі орталық кафелердің бірінде тапа-тал түсте атыс болды. Салдарынан 1 адам көз жұмып, тағы 5 азамат ауруханада жатыр.

Арғынбеков көшесінің бойында орналасқан дәмханада 2 адам қарудан оқ атқан. Кейін олар «Сайга» моделінің екі мылтығын кафеден 300 метр қашықтықта, елсіз жерге лақтырып кетіп, өздері бой тасалапты.

Атыс салдарынан ауыр жарақат алған 1 адам оқиға орнында тіл тартпай кеткен. 

Қазір қылмысқа қатысы барлар тұтқындалды. Бұдан бөлек, дәмхананың жанында тұрған екі қымбат автокөлік тәртіп сақшыларының назарына түскен. Олардың бірінің салонынан құқық қорғау органдары теңге мен долларға толы қап тапқан.

«Оқиға орнынан екі Макаров тапаншасы, бір травматикалық тапанша, аңшы мылтығы және «Сайга» мылтығы, 12 дана оқ алынды. Тұрақ орнынан екі автокөлік – 70-ші үлгідегі «Тойота» және жол талғамайтын «Lexus RX 350» тұрған»,– делінген қалалық прокуратура таратқан мәлімдемеде.