Бразилия соты елдің бұрынғы президенті Луис Инасиу Лула да Силваның жемқорлық және қаражат жылыстату туралы ісі бойынша жазған апелляциясын қабылдамай, оны бас бостандығынан айыру мерзімін 17 жыл 1 айға ұзартты.
Қылмыстық іс Сан-Паулу штатында орналасқан Атибай елдімекеніндегі үй мен жер учаскесіне байланысты қозғалған еді. Құқық қорғау органдарының дерегі бойынша, негізі, бұл жылжымайтын мүліктің иесі - Лула да Силва. Бірақ ол жылжымайтын мүлікті ресми түрде өзінің айналасындағы адамның атына тіркеп қойған көрінеді.Тергеушілердің айтуынша, экс-президент Атибайдағы үйді заңсыз қаражатқа сатып алған немесе әлдебір жеке компания оған пара ретінде берген.
Лула да Силва – жемқорлық ісі бойынша түрмеге қамалған Бразилиядағы алғашқы президент. Сәуір айында Жоғарғы сот оны бас бостандығынан айыру мерзімін 13 жылдан 8 жыл 10 айға дейін қысқартқан еді.
Экс-президент болса, өзіне тағылған барлық айыптарды мойындаудан бас тартып отыр.
Табиғат Нұрболат
