Еуразиялық экономикалық одақ шеңберінде жылдық инфляциясы ең жоғары мемлекет Қазақстан болып танылды. Бұл туралы одақтың ресми өкілдері мәлімдеді, деп хабарлайды Atameken Business.
Елімізде қазан айында бағалар өткен жылдың дәл осы кезеңімен салыстырғанда 5,5 пайызға өскен. Мәселен Беларусьте – 5,3 пайыз, Ресейде – 3,8 пайыз. Қырғызстанда –2,6 және Арменияда 0,9 пайызды құраған. Сондай ақ, Қазақстанда азық-түлік қымбаттаған.
Биылғы жылдың 10 айында өсім 9,7 пайызға тең болды. Екінші орында Беларусь мемлекеті болса, үштікті Қырғызстан 4,5 пайызбен түйіндейді. Ресей – 4,2, ал Армения – 0,5 пайыз.
Азық түлік емес тауарлар бойынша да еліміз көш басында: баға 5,2 пайызға қымбаттаған. Беларусьте – 3,4 , Ресейде – 3,2, Арменияда – 1,2 және Қырғызстанда 0,5 пайызға қымбаттаған.
Ал жалпы одақ бойынша жылдық инфляция 3,9 пайызды құрады.
