"Электрондық үкімет" порталында жүргізуші куәліктерін беру бойынша көрсетілетін қызмет жетілдірілді. Азаматтар ол қызметті құжатының мерзімі өткен немесе тегін, атын және әкесінің атын ауыстырған жағдайда, құжатын жоғалтқан немесе ұрлатқан кезде пайдалана алады, деп хабарлады "Ұлттық ақпараттық технологиялардың" баспасөз қызметі.
"Біз тұрақты және тәулік бойы мониторинг жүргізіп, кері байланыс жасаймыз. Азаматтардан келіп түсетін барлық ұсыныстар жеке кейстер ретінде қаралады және пысықталады. Бұл сондай-ақ онлайн режимінде Мемлекеттік көрсетілетін қызметтерді алу процесін жақсартуға және жеңілдетуге ықпал етеді", – деп түсіндірді "ҰАТ" АҚ басқарма төрағасы Әсет Тұрысов.
Көрсетілетін қызметті алу үшін:
- eGov.kz порталына кіру;
- "Көлік және коммуникация" қосымша бетін таңдау;
- "Автомобиль көлігі" бөлімінде "Жүргізуші куәліктерін беру" көрсетілетін қызметін таңдау;
- Порталда авторлану және "Көрсетілетін қызметке онлайн тапсырыс беру" батырмасы бойынша өту;
- Барлық міндетті алаңдарды толтыру, фотосуретті және қол қою үлгісін жүктеу. 1,25 АЕК мөлшерінде төлем жүргізу және ЭЦҚ көмегімен қызметке қол қою қажет.
"Тегін, атын және әкесінің атын өзгерту" жолын таңдаған кезде тегін, атын, әкесінің атын ауыстыру туралы куәлікті жүктеу қажет. Іс-әрекет ету мерзімі өткеннен кейін 083-У медициналық анықтаманы, жоғалған немесе ұрланған жағдайда аудандық полиция басқармасынан анықтаманы тіркеу қажет.
