ҚР Еңбек ресурстарын дамыту орталығының мәліметі бойынша, биылғы жылдың бірінші тоқсанында электронды еңбек биржасында 189,4 мың бос орын болған, бұл өткен жылдың сәйкес кезеңімен салыстырғанда 20,7%-ға артық, деп хабарлайды inbusiness.kz тілшісі ranking.kz-ке сілтеме жасап.
Сонымен қатар, электронды еңбек биржасында 2021 жылдың екінші тоқсанынан 2022 жылдың бірінші тоқсанына дейінгі кезеңде пессимистік болжам бойынша 920 мың бос жұмыс орыны туралы хабарландыру орналастырылады деп күтілуде. Ал шынайы болжамға сәйкес шамамен 1085 мың бос жұмыс орны, оптимистік сценарийге сүйенсек шамамен 1246 мың орын бос қалмақ.
Бұл ретте жұмыс орындардың көп бөлігі біліктілігі төмен жұмысшыларға тиесілі болмақ. Олардың саны 253 мыңнан 386 мыңға дейін, ал бос орындардың жалпы санындағы үлесі - 27,5%-дан 35,1%-ға дейін өседі деп күтілуде. Кәсіби мамандардың оптимистік және пессимистік сценарийдегі үлесі 19%-ды құрайды.
ҚР Ұлттық статистика бюросының мәліметтеріне сүйенсек, биылғы жылдың басында республикада 37 мың жұмыс орны ашылды, бұл бір жыл бұрынғы көрсеткіштен 12,7%-ға артық. Жұмысшылар санындағы бос орындардың үлесі 1,5%-ды құрады.
Бос орындардың көпшілігі кәсіби мамандарды қажет етпек - 8,3 мың. Бір жыл ішінде олардың саны 4,3%-ға өсті. Көпшілігі денсаулық сақтау, ғылым мен техника саласындағы, сондай -ақ білім беру саласындағы кадрларға арналған.
Екінші кезекте өнеркәсіп, құрылыс, көлік саласы мамандарына арналған бос орындар (7,2 мың, жылына + 13%), үшінші - өндірістік жабдық операторларының, монтажшылар мен жүргізушілерге арналған қызметтер (5,8 мың).
Жалпы биыл тағы 12,1 мың кадрға қажеттілік туады деп күтілуде, бұл өткен жылмен салыстырғанда 14,7% төмен. Кәсіби 2,7 мың маман еңбекке тартылады деген болжам да бар.
Кадрларға қажеттілік бойынша алғашқы үштікке қызмет көрсету саласы, сату және өнеркәсіп, құрылыс, көлік және басқа да осыған байланысты сала мамандары кіреді.
Экономикалық қызмет түрлері бойынша жұмысшыларға ең көп қажеттілік өнеркәсіп секторында күтіледі: 3,4 мың адам - өткен жылмен салыстырғанда 36,3% -ға көп.
Екінші қатарда көтерме және бөлшек сауда, сондай -ақ автомобильдер мен мотоциклдерді жөндеу саласы (2,1 мың адам), үшіншіде - әкімшілік және көмекші қызмет саласындағы қызмет (1,4 мың адам).
Ең бастысы, кадрларға қажеттілік жылжымайтын мүлікке қатысты қызметтер саласында өсті (бірден 70,1%-ға, 165 адамға дейін), ең төмендегені - денсаулық сақтау саласында (75,8%-ға, 828 адамға дейін).
Өңірлер бойынша ең көп кадр Алматы қаласының кәсіпорындарына қажет (3,8 мың адам) - бір жыл бұрынғыдан 19,8% -ға азаймақ. Екінші және үшінші орындарда елорда (3,6 мың адам) мен Атырау облысы (1,1 мың адам) тұр.
Құралай Құдайберген
