Ұлттық банк блогерлер мен коучтардың криптовалюта жарнамалауына жауапкершілік енгізбек, деп жазады inbusiness.kz сайты.
Блогерлер мен "коучтар" арқылы жастарды сұр криптонарыққа тартуға және тіркелмеген криптопровайдерлердің қызметіне қарсы тұруға қатысты Ұлттық Банк әлеуметтік желілер мен цифрлық платформаларды пайдалана отырып, жастарды және қаржылық сауаттылығы мен инвестициялық мәдениеті жеткіліксіз халықтың әлеуметтік осал топтарын (ХӘОТ) "сұр" криптонарыққа тартатын блогерлер мен "криптокоучтар" деп аталатындардың қызметіне қарсы іс-қимыл мәселелерінде кешенді және үйлестірілген тәсілді қалыптастыру қажеттілігін қолдайды. Мұндай белсенділік көбіне тіркелмеген (лицензиясы жоқ) криптопровайдерлер арқылы жүзеге асырылады, бұл жеке инвесторлар үшін де, жалпы қаржылық тұрақтылық үшін де қауіп тудырады.
"Жасанды интеллект туралы" Қазақстан Республикасы Заңының жобасына ілеспе заң жобасы шеңберінде қолданыстағы заңнамаға бірқатар түзетулер енгізу көзделген. Осы заң жобасы бойынша түзетулер лицензиясы жоқ және тіркелмеген криптопровайдерлер арқылы криптоактивтермен операциялар жасағаны үшін жеке әкімшілік және сол сияқты қылмыстық жауапкершілікті белгілеуге, сондай-ақ цифрлық активтерді жарнамалауға байланысты шектеулерді енгізуге бағытталған.
"Ұлттық Банк жоғарыда заңнамалық түзетулер шеңберінде тиісті құқықтық тетіктер мен нақтылауларды пысықтау мүмкіндігін қарастыруды ұсынады, бұл біздің ойымызша, цифрлық активтерді реттеу негіздерін нығайтуға, азаматтардың (әсіресе жастар мен ХӘОТ) қорғалу деңгейін арттыруға және Қазақстан Республикасында өркениетті криптонарық қалыптастыруға ықпал етуге мүмкіндік береді.
"Жасанды интеллект туралы" Қазақстан Республикасы Заңының жобасы шеңберінде түзетулер адалдық пен айқындылық қағидаттарын сақтай отырып, қазақстан криптоинвесторларының шетел крипто-алаңдарынан қазақстан крипто-алаңдарына ерікті түрде көшуі үшін құқықтық негізді қамтамасыз ететінін атап өту маңызды. Бұл шешім крипто-капиталды елге қайтаруға, шетелдік және (немесе) жергілікті "сұр" крипто-провайдерлерінің қызметтерін пайдалана отырып, капиталды елден шығаруды болдырмау мақсатында ұлттық юрисдикцияға деген сенімді нығайтуға бағытталған", – делінген ресми жауапта.
АХҚО-да лицензиясы жоқ криптобиржалар қызметінің жолын кесу жөніндегі шараларды іске асыру үшін цифрлық активтер қызметтерінің лицензияланбаған провайдерлерінің тізбесін қалыптастыруды көздейтін бірлескен бұйрық қабылдады. Тізбе тоқсан сайын қалыптастырылады және көрсетілген криптопровайдерлердің пайдасына банк операцияларын жүргізуден бас тарту үшін банктерге жіберіледі. 2025 жылғы 1-тоқсанда 1,6 млрд теңге сомасына 15,8 мың операция бұғатталған.
