Еуразиялық экономикалық комиссия мәліметтеріне сүйенсек, Ресейдің жұмыспен қамту орталықтарында 727 мың еңбекпен қамтылмаған адам тіркелген. Жыл басынан бері олардың саны 5,3%-ға артқан. Ал көрші Қырғызстанда 83,1 мың адам жұмыссыздар тізімінде. Бұл 2018 жылдың осы кезеңімен салыстырғанда 24,4%-ға жоғары.
Қазақстандағы жұмыссыздар саны 11,7%-ға артқан. Биылғы жылдың бірінші жартысында елімізде 172,7 мың еңбекпен қамтылмаған адам тіркелді. Еуразиялық экономикалық одақ елдерінің арасында бұл жоғары көрсеткіш болып саналады.
Армения мен Беларусь елінде жұмыс іздеушілердің саны керісінше төмендеген. Арменияда бұл көрсеткіш 6,9%-ға, яғни, 63,1 мың адамға, Беларусь мемлекетінде 27,7%-ға, 12 мыңға төмендеген.
Ал жалпы Еуразиялық экономикалық одақ елдерінде 1 млн жұмыссыз тіркелген.
