/img/tv1.svg
RU KZ
DOW J 25 414,54 FTSE 100 6 565,80
KASE 2 222,59 Hang Seng 26 109,93
РТС 1 299,69 Brent 49,99
Елордада жасөспірімдер ұсталған жоқ

Елордада жасөспірімдер ұсталған жоқ

Бұған дейін Бас прокуратура 21 қыркүйекте болатын шеруге қатысты халыққа бірнеше мәрте үндеу тастады.

22 Қыркүйек 2019 16:40 821

Елордада жасөспірімдер ұсталған жоқ

Елорданың полиция департаменті қаланың Республика даңғылығында өткен заңсыз шеру барысында кәмелетке жасы толмаған жасөспірімдердің ұсталмағандығын мәлімдеді, деп хабарлайды ҚазАқпарат.

«Мессенджерлер мен әлеуметтік желіде тарап жатқан кәмелеттік жасқа толмаған қыздың ұсталуы туралы видеоға қатысты азаматша А-ның 2000 жылы дүниеге келгендігін хабарлаймыз. Полиция қызметкерлерінің заңсыз шеруге қатысуын доғару талабына қарамастан азаматша А. әрекетін жалғастырып, құқық қорғау органдары қызметкерлерін итеріп, қарсы әрекет жасауға (видеосы бар) итермеледі», – деп атап өтеді ведомстводан.

Департамент мәліметінше, осыдан кейін азаматша А өзге де құқық бұзушылармен бірге ұсталған.

«Ұсталған кезде жеке басын куәландыратын құжаты болған жоқ. Дегенмен, анасы келіп жүгінгеннен кейін азаматша босатылып, анасына табысталды», – делінген таратылған ақпаратта.

Еске салсақ, кеше Нұр-Сұлтан мен Алматы қалаларында заңсыз ұйымдастырылған митингке шыққандар болып, 57 адамның ұсталғаны туралы хабарладық.


 

inbusiness.kz-ті қараңыз, оқыңыз :

Нұр-Сұлтан мен Алматыда митингке шыққан 57 адам ұсталды

Бас прокуратура қазақстандықтарға митингілерге шықпау туралы үндеу жасаған болатын.

21 Қыркүйек 2019 16:00 2016

Нұр-Сұлтан мен Алматыда митингке шыққан 57 адам ұсталды

Нұр-Сұлтан мен Алматыда рұқсат етілмеген митингіге қатысқан 57 адам ұсталды, деп хабарлайды ҚР ІІМ баспасөз қызметі.

"21 қыркүйекте Нұр-Сұлтан мен Алматыда рұқсат етілмеген митингілер өткізуге әрекет жасалды. Прокуратураның бірнеше рет ескертуіне қарамастан, жекелеген азаматтар тыйым салынған экстремистік ұйымның арандатушылық шақыруларына ұрынды. Олардың кейбіреуі басқа азаматтардың тыныштығы мен қауіпсіздігіне және жол қозғалысы қауіпсіздігіне қауіп төндіре отырып, құқық қорғау қызметкерлеріне қатысты заңға қайшы әрекеттер жасай бастады", – деп хабарлады министрліктің баспасөз қызметіндегілер.

"Ішкі істер органдары қоғамдық тәртіпті бұзудың жолын кесу бойынша заңда көзделген шараларды қабылдады. Қазіргі уақытта құқық бұзушылық үшін 57 адам ұсталды, оларды әкімшілік жауапкершілікке тарту мәселесі қарастырылып жатыр", – деді ведомство өкілі. 

Еске салсақ, Бас прокуратура қазақстандықтарға митингілерге қатысты үндеу жасаған болатын. Хабарламада құқық бұзушылықтардың алдын алу, заңсыз әрекеттерге жол бермеу, қоғамдық қауіпсіздікті қамтамасыз ету және азаматтардың құқықтарын қорғау мақсатында Қылмыстық кодексте жауаптылық қарастырылғанытуралы айтылған.

Елордада спорттық ғылыми-зерттеу университеті ашылуы мүмкін

Қазіргі таңда оның құрылысын мемлекеттік жекеменшік-әріптестік аясында жүргізу жоспарланып отыр.

18 Қыркүйек 2019 21:24 548

Елордада спорттық ғылыми-зерттеу университеті ашылуы мүмкін

Ұлттық олимпиада комитетінің Президенті Тимур Құлыбаевтың сөзінше, бұл кадрларды оқытып және мықты спортшылармен ғылыми жұмыс жүргізуге мүмкіндік береді.

Осы жолы Ұлттық олимпиада комитетінің Президенті болып Тимур Құлыбаев қайта сайланды. Бас ассамблеяның отырысында 34 спорт федерациясының өкілі кандидатураны бірауыздан қолдайтынын жеткізді. Айта кетейік, қазіргі таңда спортпен айналысатындардың саны 4 пайызға артып, 5 млн-ға жеткен. Республикалық бюджеттен салаға биыл 31 млрд теңге қаражат бөлінгенін ескерсек, келер жылы 20 млрд-қа артпақ. Мұнан бөлек, жергілікті бюджеттен де салаға қаржы құйылады.

Жаңалықтарға жазылу: