DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 293,95 Brent 36,55
Елордада ЖИТС пен АИТВ күрес айлығы басталды

Елордада ЖИТС пен АИТВ күрес айлығы басталды

Науқан 5-ші желтоқсанға дейін жалғасады.

08 Қараша 2019 22:58 663

Елордада ЖИТС пен АИТВ күрес айлығы басталды

Нұр-Сұлтан қаласында жұқтырылған иммун тапшылығы синдромымен күрес айлығы басталды, деп хабарлайды Atameken Business.  

Ондағы мақсат аталмыш дертке қоғам назарын аударып, оған деген көз қарасты өзгерту.  

inbusiness.kz-ті қараңыз, оқыңыз :

Еліміздегі коронавирустың алдын алу шараларына АҚШ 900 мың доллар бөлмек

Тараптар біріккен жобалық топ құруды шешті.  

13 Наурыз 2020 12:06 503

Еліміздегі коронавирустың алдын алу шараларына АҚШ 900 мың доллар бөлмек

Еліміздің Денсаулық сақтау министрі Елжан Біртанов халықаралық ұйым өкілдерімен коронавирустық инфекцияның алдын алу шараларын талқылады, деп хабарлады ведомстваның баспасөз қызметі. 

«Кездесудің мақсаты Қазақстан Республикасының COVID-19-ға дайын болу мәселелеріне қаржылық-консультативтік қолдау көрсету. Қазақстанда коронавирустық инфекцияның алдын алу шараларына АҚШ үкіметі 890 мың доллар бөлуге дайын», - делінген хабарламада. 

Аталған қаржы халықаралық ұйымдар арқылы бөлінеді. 

«Кездесу барысында тараптар медициналық ұйымдардағы инфекциялық бақылау, зертханалық мүмкіндіктерді арттыру, хаттамаға сәйкес ем шараларын ұйымдастыру, COVID-19 жағдайында бақылау және жедел әрекет ету, ақпараттық жұмысты күшейту сынды басым бағыттарды жүзеге асыру үшін біріккен жобалық топ құруды шешті»,-деп жазылған хабарламада. 

Халықаралық ұйымдардың бастамасымен өткен кездесуге Орта Азиядағы CDC директоры Дэниел Сингер, Қызыл крест және қызыл жарты ай қоғамы халықаралық федерациясының  Орта Азиядағы өкілдігі басшысы Баярмаа Лунтан және Дүниежүзілік денсаулық сақтау ұйымы Қазақстандағы кеңсесінің өкілдері қатысты. 

Құралай Құдайберген

Қазақстан, Ресей, Қырғызстан және Тәжікстанға ортақ мәселелер талқыланды

Елордада терроризм, экстремизм және адам құқына қатысты азаматтық  ынтымақтастық туралы жазылған зерттеу жұмысының таныстырылымы өтті.

05 Наурыз 2020 16:58 164

Қазақстан, Ресей, Қырғызстан және Тәжікстанға ортақ мәселелер талқыланды

Елордада терроризм, экстремизм және адам құқына қатысты азаматтық  ынтымақтастық туралы «Қазақстан, Ресей, Қырғызстан және Тәжікстандағы антиэкстремистік саясат. Салыстырмалы шолу» тақырыбына жазылған зерттеу жұмысының таныстырылымы өтті. Орталық Азия және Ресейден келген құқық қорғау ұйымдары өкілдерінің айтуынша, осы төрт елде де терроризм мен экстремизмге қарсы күрес жүргізуде адам құқының сақталуы халықаралық стандарттарға сай болуға тиіс.

«Қадір-қасиет» қоғамдық бірлестігінің заңгері Мәдина Ахметова еліміздің экстремизм мен терроризмге қарсы іс-қимыл саласындағы заңнамасында заңдар, баптар, тараулар мен тармақшалар өте көп болғандықтан, кейде тероризм мен экстремизм арасындағы айырмашылықты түсінуде қиындық туындайтынын айтты.

Осы қоғамдық бірлестіктің сарапшысы Анар Ибраева Қазақстан, Ресей, Қырғызстан және Тәжікстанда адам құқығы қалай сақталатынына тоқталды.

«Қазір төрт елдегі жағдай бірдей деуге болады. Бірақ әр елдің өз ерекшелігі бар. Мемлекеттің де, қоғамның да санасына үрей ұялаған. Мысалы, Тәжікстанда азамат соғысының басталып кетуінен қорқады. Ол елде 90 жылдардың ортасында соғыс болып, бір ұрпақ жойылып кетті. Сол себепті, қоғамның қорқуы орынды. Ол елде біздегідей бейбіт шеруге шығу мүлде жоқ. Иә, адамдар ұсталып, айыппұл төлеп, ескерту алып жатыр. Дегенмен артықшылықтар да, кемшіліктер де бар. Қырғызстанда еркіндік болғанымен, адамдар діни экстремизмнен қауіптенеді. Ал Ресейде экстремизмнің жаппай саяси сипат алуынан сескенеді», – деп түсіндірді сарапшы.

Әскер қатарына шақырылушылар мен әскерилер құқығы жөніндегі Тәжікстандық сарапшы Мұзафарджон Бободжонов өз елінің ерекшелігі жайлы айтты.

«Тәжікстанда терорризм мен экстремизмнің саны туралы ресми ақпарат жоқ, алайда БАҚ көздерінің хабарлауынша, 2 мың адам «Ислам мемлекеті» ұйымына кіріп, 1400 адам терорризм мен экстремизм үшін жауапқа тартылған. Оның арасынан 500 адам рақымшылық алды. Айта кету керек, лаңкестер мен экстремистерге түрме кері әсер етеді. Сол себепті, лаңкестер мен экстремистер үшін арнайы казарма түріндегі түрме салынады. Оларды бөлек ұстау қажет. Тәжірибеден байқағанымыз, екі лаңкестің жанына бұзақылық қылмыс жасаған адамды отырғызсақ, бір жылдан кейін ол да лаңкес болып шығады. Бүгінгі күні сөз бостандығы мен жеккөрушілікке шақыру арасындағы нәзік шекара тепе-теңдігін сақтау оңай емес», - деді Тәжікстандық сарапшы.

Зерттеу жұмысында Қазақстан, Ресей, Қырғызстан және Тәжікстан экстремизмді дұшпандық таныту және мемлекеттің қауіпсіздігіне нұқсан келтіретін сөздер айтып, іс-әрекет жасау ретінде түсіндіретіні айтылған. Яғни, нақты зорлық-зомбылық жасамай, тек ксенофобия таныту да мемлекетке қарсы іс-әрекет ретінде қабылданады.

Нұржан Көшкін

Жаңалықтарға жазылу: