Нұр-Сұлтан қаласы Ішкі саясат басқармасының мәліметінше, әрбір елорда тұрғыны үйден шықпай-ақ, сайлау учаскесін біле алады. Ол үшін қалалық әкімдіктің astana.gov.kz веб-порталына кіріп, "Өз сайлау учаскеңді тап" баннерін таңдауы керек.
Сондай-ақ, сайлау учаскелері туралы мәліметті Smart Astana мобильді қосымшасы ("Қалалық қызметтер" бөлімінде) мен @smartastana_bot телеграм-боты арқылы да көруге мүмкіндік бар.
Ал интернетке кіруге мүмкіндігі жоқ тұрғындар iKomek 109 бірыңғай байланыс орталығына хабарласып, ақпарат алуға болады.
Нұр-Сұлтан қаласының әкімдігі сайлау учаскесін онлайн арқылы тексерген тұрғындар арасында "Белсенді сайлаушы" акциясын ұйымдастырмақ. Акция шартына сәйкес, әрбір бес мыңыңшы қолданушы естелік сыйлыққа ие болмақ, іс-шара 5 қаңтар күні қорытындыланады.
