Тамыз айының қорытындысы бойынша елдің сыртқы сауда айналымы біршама өсіп, 8,3 млрд АҚШ долларын құрады (+1,0%), деп хабарлайды afk.kz сайты.
Аталған ұлғаю тауарлар экспортынан түсетін түсімдердің – 4,6 млрд долларға дейін (+5,8%) өсуіне байланысты, ал елдің импорты 3,7 млрд долларға дейін (-4,6%) қысқарды. Осы орайда тамыз айында сауда балансының оң сальдосы шілде айында 0,5 млрд доллар көрсеткішімен салыстырғанда 1,0 млрд долларға дейін өсті. Тамыз айында негізгі атаудағы Топ-10 арасындағы түсімдердің негізгі артуы мұнай экспорты бойынша байқалады (1-кестені қараңыз).
Еске сала кетейік, шілде айында (-28,4%) күрт төмендегеннен кейін мұнай экспортының физикалық көлемі тамыз айында 20,0%-ға яғни, 5,2 млн тоннаға дейін өсті, бұл негізгі кен орындарында жөндеу жұмыстарынан кейін мұнай өндіру деңгейін қалпына келтірумен байланысты болуы мүмкін. Жөндеу жұмыстарына қарамастан, 2019 жылдың қаңтар-тамыз айларында өндіру деңгейі өткен жылдың ұқсас көрсеткішімен салыстырғанда 0,5%-ға артып, 51,4 млн тонна шикі мұнайды құрады. Сонымен қатар шикізат нарығының баға конъюнктурасы қолайлы болды. Brent мұнай баррелінің орташа бағасы тамызда барреліне 59,75 доллар белгісіне дейін 6,6%-ға төмендеді.
Ел құрылымында "қара" алтынды жеткізуден түсетін түсімдердің күрт артуы Италия (+376,0 млн доллар) мен Францияға (+129,4 млн доллар) тиесілі. Естеріңізге сала кетейік, бір ай бұрын негізгі төмендеу еуропалық елдерге келді.
Өз кезегінде тауарлар импортында негізгі топ-10 атауы арасында негізгі төмендеу тамыз айында сұйық сорғыларға келеді, ал ең көп ұлғаю – ауа/вакуумдық сорғылардың импорты бойынша. Импорттағы көрсетілген өзгерістер елдің өнеркәсіптік объектілеріндегі құрылыс пен жөндеу жұмыстарына байланысты болуы мүмкін.
Сонымен қатар, импорттың елдік құрылымында қаңтар-тамыз қорытындысы бойынша бұрынғыдай Ресей орын алады, оған барлық импортталатын өнімдердің 35,4%-ы (-4,0%) келеді. Одан әрі Қытай – 16,0% (-0,1%) және Оңтүстік Корея–9,6% (+7,8%).
