Іс материалдарына сәйкес, жасөспірімдер досы үшін кек алу мақсатында ер адамды соққыға жыққан.
"2020 жылдың 30 мамырында сотталушылардың әрқайсысы кәмелетке толмаған Д-ны қорғау үшін кешірім сұрауды талап ету кезінде Г-ны кезекпен ұрған. Жәбірленуші кешірім сұрап, ұрып-соғуды тоқтатуды сұраған, бірақ жасөспірімдер оны ұруды тоқтатпаған. Оқиға салдарынан Г. есімді ер адам алған жарақаттарынан қайтыс болды", - деп хабарлайды Қарағанды облысының кәмелетке толмағандардың істері жөніндегі мамандандырылған сотының баспасөз қызметі.
Жәбірленуші тарап жауапкерлерді кінәлі деп танып, 10 000 000 теңге моральдық зиянды өтеу туралы азаматтық талап арызын қанағаттандыруды сұрады.
"Сотталушылар ҚР Қылмыстық кодексінің 106-бабы бойынша қылмыстық-атқару жүйесінің орташа қауіпсіздік мекемесінде жазасын өтеу үшін 6 жыл 8 айға бас бостандығынан айырылды. Сондай-ақ сотталғандардан жәбірленуші тараптың пайдасына 10 000 000 теңге көлемінде моральдық шығын өндірілді", - деп атап өтті департаментте.
Үкім заңды күшіне енген жоқ.
