/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 440,81 Brent 36,55
Коронавирусқа қарсы препараттар жүрек пен бауырға кері әсер етеді

Коронавирусқа қарсы препараттар жүрек пен бауырға кері әсер етеді

Өкпені рентген немесе компьютерлік томографиямен тексеру қажет. 

08 Шілде 2020 15:20 155

Коронавирусқа қарсы препараттар жүрек пен бауырға кері әсер етеді

Коронавирус инфекциясының белгісі бар және белгісі жоқ науқастар үйде емделуі керек. Медицина ғылымдарының докторы, жоғары санатты дәрігер Раушан Қарабаева орталық коммуникациялар қызметінде өткен онлайн конференцияда осылай деді. 

Оның сөзінше, дәрігерлер өздігінен ем қабылдайтын науқастардың 
ем-домын реттеп отыруға тиіс. 

«Коронавирустың симптомы аз түрі патогенетикалық емдеуді, дәлірек айтқанда вирусқа қарсы, антибактериялық, тромбқа қарсы препараттар тағайындауды қажет етпейді. Мұндай пациенттер емдеу-сақтану режимінде ақуызы көп тамақ жеп, көп мөлшерде сұйықтық ішуі керек. Оларға С, Д дәрумендері және дене қызуы көтерілген жағдайда парацетамол, ибупрофен сынды қызу түсіретін дәрілер тағайындалады», – деді Раушан Қарабаева.

Дәрігердің түсіндіруінше, С дәруменінің үлкен дозасы тағайындалған жағдайда, бүйрек және несеп жолы ауруларын күшейтуі мүмкін.

«Дене қызуы 38 градустан асқанда, бұлшық ет ауырып, әлсіздік байқалса, бас ауырып, жөтел пайда болса, кеуде тұсы ауырса дәрігерге хабарласып, өкпе қабынуының алдын алу керек. Өкпені тексеру үшін рентгенологиялық зерттеу немесе компьютерлік томография жүргізіледі», – деді медицина ғылымдарының докторы.

Оның айтуынша, коронавирус инфекциясындағы негізгі ем – вирусқа қарсы препарат тағайындау. Қазіргі уақытта КВИ емдеуге лопинавир, ритонавир, гидроксихлорохин, фавипиравир сонымен қатар ремдесевир сынды дәрілер  жазылады. 

«Бұл дәрілер жүрек пен бауырға уытты әсер ететінін атап өткен жөн. Осыған байланысты аз симптомды және симптомсыз науқастарға бұл дәрілерді өздігінен қабылдаудың қажеті жоқ. Бұл препараттарды дәрігерлер стационарлық жағдайда ғана береді», – деді Раушан Қарабаева.

Дәрігердің мәлімдеуінше, науқастар антибиотикті қадағалаусыз қабылдап жатыр. Осылайша өмірлері мен денсаулықтарына қауіп төндіруде. 

«Антибиотик ағзаның иммундық жауабын қалыптастыруға қажетті ішек микрофлорасын бұзады. Сәйкесінше пациенттің иммунитетін одан әрі төмендетеді», – деді Раушан Қарабаева.

Ол ауыр инфекцияларда ғана қолданылатын резервті антибиотиктердің де коронавирусқа қарсы пайдаланылып жатқанына назар аударды. 

«Бұған жол беруге болмайды, себебі пациенттің жағдайы мүлде қиындап кетуі мүмкін. Бактериялық компонент болған кезде коронавирусты антибиотиктермен тек дәрігердің нұсқауымен ғана емдеу керек», – деді Раушан Қарабаева.

Қанат Махамбет 

Иммунитетті қалай нығайтамыз?

Дәрігердің айтуынша, иммунитет атадан-балаға ген арқылы келеді. Тумысынан әлсіз иммунитет болса, оны көтеру мүмкін емес. Тек берілген иммунитетті нығайтып, ұстап тұруға болады. 

24 Шілде 2020 12:26 413

Иммунитетті қалай нығайтамыз?

Аллерголог иммунолог, педиатр дәрігер, «Астана» медицина университетінің микробиология, вирусология және иммунология кафедрасының ассистенті Бақтыбаева Мөлдір Сиқымбекқызы Нұр-Сұлтан әкімдігінің @akimat_nur_sultan ресми парақшасында өткен тікелей эфирде пандемия кезінде иммунитетті қалай нығайту керектігін айтып берді, деп хабарлайды елорда әкімдігінің ресми сайты.

Дәрігердің айтуынша, иммунитет атадан-балаға ген арқылы келеді. Тумысынан әлсіз иммунитет болса, оны көтеру мүмкін емес. Тек берілген иммунитетті нығайтып, ұстап тұруға болады.

Иммунитетті қалай сақтауға болады?

«Ең әуелі зиянды әдеттерден аулақ болу, дәрумендерге бай азық-түліктермен тамақтану, спортпен айналысу, 8 сағаттық ұйқы, стреске бой алдырмау және жақсы ой ойлау. Ағза бір-бірімен тығыз байланысты. Сол себепті стресс, қорқыныш, үрей де иммунитетке кері әсер етеді, осыны ұмытпаған жөн», – дейді Мөлдір Бақтыбаева.

Аурудан кейін иммунитетті қалай нығайта аламыз?

«Негізінен адам ағзасында белгілі бір аурудан кейін антиденелер қалыптасып, екінші ауырған кезде күреседі. Кей вирус, инфекцияларға ағза төтеп бере алады. Адам желшешек, шешек сияқты аурулармен ауырса, иммунитет қалыптасып екінші рет ауырмайды. Ал COVID-тың ерекшелігі, ағзада антиденелер қалыптаспауы мүмкін, ауырған науқастар қайта жұқтыруы ықтимал», – екенін атап өтті дәрігер.

Иммунологтың айтуынша, адам ағзасын нығайту үшін дәрумендер аса қажет. Мәселен, D дәрумені иммундық клеткаларға рецептор ретінде қатысады. Оның пайдасы өте мол. Елордада күн сәулесі өте аз түседі. Сондықтан жаз мезгілі болса да, D витамині көрсеткішін анықтап ішу қажет. Цинк, С дәруменін де қолдануға болады. Белсенді тағам қоспаларының да пайдасы бар. Бірақ әр дәруменді керекті анализ тапсырғаннан кейін, дәрігердің тағайындауымен ғана қабылдау қажет.

Иммунитеттің түсіп кетуіне әсер ететін қандай факторлар бар?

«Көбіне инфекциялық, аллергиялық онкологиялық, созылмалы аурулардан кейін адам ағзасы баяу қалпына келеді. Гормондар қабылдайтын науқастар, паразитарлық инфекциялар да адам иммунитетін тежейді. Адамның 80% иммунитеті асқазан-ішек жолында. Сондықтан асқазан ауруларын емдеп, оны қалпына келтіру қажет. Және тағы айта кететін мәселе, дене қызуы 37 градус болған жағдайда ағзаға өзі күресуіне мүмкіндік беру қажет. Төрт күн бақылауда ұстау қажет, егер қызу түспейтін болса ғана дәрігерге жүгіну қажет», – деп кеңес береді М.Бақтыбаева.

Антибиотик қолданған соң, ағзаны қалай қалпына келтіруге болады?

Оның айтуынша, ең әуелі антибиотик вирусты өлтірмейтінін білу қажет. Ол тек бактериалды инфекцияларды жояды. Көп науқас қажетсіз қабылдайды. Антибиотик ішектегі 5 жылда қалыптасқан микрофлораны бұзады.

«Симптом анықталған соң, жату қажет. Дәрігердің көмегіне жүгіну керек. Көп жылы сұйықтық, шөп шайлар ішу керек. Мұрын мен тамақты күніне 10-15 рет шайқап, С дәруменін қабылдау қажет. Және сорпа, ашытқан сүт өнімдері: қымыз, шұбат, саумал адам ағзасына жақсы әсер етеді», – деп түйіндеді дәрігер.
 

Үйден емделушілерге ұсынылатын бес дәрінің тізімі қандай?

Министр қаулымен бекітілетін дәрілер тобын атады. 

21 Шілде 2020 15:55 306

Үйден емделушілерге ұсынылатын бес дәрінің тізімі қандай?

Денсаулық сақтау министрі Алексей Цой ғалымдармен бірге үйден ем алушылар мен амбулаторлық түрде емделіп жатқан науқастарға берілетін дәрілердің тізіміне тоқталды. 

«Қазір бұл дәрілердің тізімін талқылап жатырмыз. Негізінен ол антикогулянттар, ыстық түсіретін құралдар, антибиотктер болады. Қазір тізімін жасақтап жатырмыз. Жағдайы жеңілірек науқастар дәрігердің бақылауымен осы дәрілерді қолданатын болады. Қазір комиссия талқылап жатыр. Дәрілер тобы белгілі. Енді нақты аталымдарды біздің ғалымдар пысықтап жатыр. Осымен бірге фабрикаларға осы топтағы дәрі-дәрмекті жедел жеткізу бойынша хат жолдап жатырмыз», – деді ол. 

Есжан Ботақара