"ҚТЖ-Жүк тасымалы" АҚ баспасөз қызметінің хабарлауынша, Қостанай облысында Қазанбасы-Апановка бағытында жүк пойызы рельстен шығып кеткен. Оқиға кеше сағат 14:40-та Құсмұрын-Тобыл учаскесінің Қазанбасы-Апановка бағытында болған.
"Жүк пойызының қозғалысы кезінде машинист локомотив манометрінің деректері бойынша вагондар арасындағы ауа қысымының төмендеуіне байланысты шұғыл тежеуді қолданды. 23 вагонның рельстен шығып кеткені, рельстің түйіспе желісі, теміржол тірегінің зақымданғаны анықталды", – деп жазылған ведомствоның ақпаратында.
Белгілі болғандай, вагондар бос болған. Локомотив сағатына 68-70 шақырым жылдамдықпен жүріп келе жатқан. Учаскедегі белгіленген жылдамдық – сағатына 70 шақырым. Қазіргі уақытта осы факті бойынша комиссия құрылды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
