Қазақстан-Ресей шекарасында заңсыз аңшылықтың жолы кесілді. Қостанай шекара отрядының "Мағнай" шекара заставасының кезекші наряды 7 адамды ұстады, деп жазады alau.kz.
Ресейлік шекара аймағында ашатұяқтыларды аулауға рұқсат құжатсыз аңшылық құрған.
"Ресейдің 5 азаматы және Қазақстанның 2 азаматы ұсталды. Ұсталғандар "Митсубиши" и "ВАЗ-2114" көліктерін тізгіндеген. Көлікті тінту барысында 5 тегіс ұңғымалы мылтық, "Митсубиши" көлігінің жүк салғышынан еліктің еті табылды", – деп атап өтті ҚР ҰҚК шекара қызметінің баспасөз қызметі.
Заң бұзғандар әкімшілік жауапкершілікке тартылды. Бұл факті Қарабалық ауданының құқыққорғау органдарына хабарланды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
