Түркия президенті Құранды өртеуге рұқсат берілгені үшін ресми Стокгольмге наразы және арандатушылық саясатына ермейтінін ескертті, деп хабарлайды inbusiness.kz тілшісі Reuters-ке сілтеме жасап.
"Біз батыстың тәкаппар адамдарына мұсылмандардың қасиетті құндылықтарын қорлау сөз бостандығы емес екенін үйретеміз. Түркия арандатушылық пен қауіп-қатер саясатына мойынсұнбайтынымызды анық айтқым келеді", - деді Режеп Тайып Ердоған.
Еске салайық, кеше Швецияда Құран Кәрім өртелді. Ирак тумасы, 37 жастағы босқын бұл әрекеті арқылы сөз бостандығы бар екенін көрсетем деп ұмтылған. Швецияның НАТО-ға мүшелікке өтуі әлі шешілмей жатыр. Бұған Түркия қарсы. Себебі қаңтарда даниялық Расмус Палудан Стокгольмдегі Түрік елшілігінің алдында Құранды өртеп, түріктердің қарсылығын күшейтті.
