Қазіргі уақытта аталған жайтқа қатысты тергеу амалдары жалғасып жатыр, деп хабарлайды inbusiness.kz сайты.
Бұл туралы Ішкі істер министрінің орынбасары Санжар Әділов Мәжілістегі жиыннан соң тілшілерге айтып берді.
– Сот психиатриялық сараптама тағайындалды. Біз тергеуді бір ай мерзімінде аяқтап, қылмыстық іс материалдарын прокурор арқылы сотқа жіберуді жоспарлап отырмыз, – деді ол.
Министр орынбасарының сөзінше, жасөспірімге қатысты жаза оның іс-әрекетінің саралануына байланысты тағайындалуы мүмкін.
– Аса ауыр қылмыс жасалды, құқықтық бағаны сот береді. Сот шешімін болжау немесе түсініктеме беру менің құзыретіме кірмейді, – деді С.Әділов.
Бұған дейін лифтіде 5 жастағы балаға шабуылдаған жасөспірімнің қайда екені туралы және оның кіммен бірге тұратыны жайлы жазған едік.
