Бүгін дәрігерлер баланың жарақат тігістерін алуды бастаған, деп хабарлайды inbusiness.kz сайты.
Елордада тұрғын үй лифтісінде шабуылға ұшырап, бетінен жарақат алған баланың денсаулығы жақсарып келеді.
Мұны №2 көпсалалы қалалық балалар ауруханасының жақ-бет хирургиясы бөлімінің меңгерушісі Юсуп Гусейнов айтты.
– Бүгін тігістердің басым бөлігі алынды. Баланың жағдайы – қанағаттанарлық, өзін белсенді ұстауда. Қашан үйге шығаратыны белгісіз. Бәрі тексерістен кейін анықталады, – деп түсіндірді ол.
Еске салайық, осыған дейін 5 жастағы баланың анасы оқиға болған күнгі жағдайды айтып берген еді.
Ал оның алдында психикалық есепте тұрған жасөспірімнің басқа тағы да бір қызды аңдығаны хабарланған болатын.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
