Балалар ауруханасының директоры Гүлжан Ермекбаеваның айтуынша, емдік препаратты алу үшін республикалық бюджеттен қаржыландырылған, деп хабарлайды Inbusiness.kz .
СМА - жұлын бұлшықеттерінің атрофиясы. Бұл - жұлын бұлшықетінің қимыл-қозғалысқа жауап беретін бөлігінің әлсіздігінен туындайтын сирек кездесетін туа бітті ауру түрі. Сондықтан да дертіне дауа болуы үшін бүлдіршіннің жұлын-ми сұйықтығына "Спинраза" препараты енгізілді.
Дәрігерлер медициналық көрсеткіш бойынша науқастың қимыл-қозғалыс деңгейін "жақсы" деп бағалады. Ем-шара асқынусыз өткен. Жалпы аталған препаратты науқасқа 4 рет салу қажет етіледі. Алдағы уақытта қаңтар мен ақпан айларында салынады. Препаратты салмастан бұрын дәрігерлер науқастың жағдайын қадағалап, толық тексеруден өткізеді.
Бүгінде Маңғыстау облысында жұлын бұлшықет атрофиясы генетикалық ауруға шалдыққан 4 бала бар. Олар әрдайым ата-ананың және дәрігерлердің бақылауында.
