18 тамызда ШЫҰ-ға мүше мемлекеттердің ішкі істер және қоғамдық қауіпсіздік министрлерінің төртінші кеңесі өтуде, деп хабарлайды inbusiness.kz ІІМ баспасөз қызметіне сілтеме жасап.
Бұл кездесудің маңыздылығы ұйымның басты басымдығымен түсіндіріледі – ШЫҰ-ға мүше елдер азаматтары үшін тұрақтылық пен қауіпсіздікті қамтамасыз ету. Ал бұл – 3 млрд адам немесе бүкіл әлем халқының 45%-ы.
Кездесу барысында қатысушылар бүгінгі сын-тегеуріндер мен қауіптерге қарсы іс-қимылда: экстремизм, адам саудасы, қарудың заңсыз айналымы және т.б. тәжірибе алмасады.
Қазақстанның ішкі істер министрі өз сөзінде ІІМ мен ШЫҰ-ның ұйымдасқан қылмысқа, есірткінің заңсыз айналымына және киберқылмысқа қарсы бірлескен күресі бойынша нақты ұсыныстар айтты.
ШЫҰ елдерінің министрлері Марат Ахметжановтың барлық ұсыныстарын бірауыздан қолдады.
Атап айтқанда, ведомство басшысы адам саудасына қарсы іс-қимыл жөніндегі Қазақстандық тәжірибесімен бөлісті.
Ведомствоаралық комиссия құрылды, үкіметтік іс-шаралар жоспары іске асырылуда және ІІМ базасында "Қазақстан Республикасында адам саудасына қарсы іс-қимыл туралы" заң жобасы әзірленуде.
Терроризм мен экстремизмге тек бірге қарсы тұруға болады. Сондықтан Қазақстан терроризмге қарсы барлық 19 халықаралық конвенциялар мен хаттамаларға қосылды.
Министрдің айтуынша, көпжақты және екіжақты ынтымақтастық форматында қылмысқа қарсы күрес бойынша 90-нан астам шарт жасалған. Сондай-ақ қарулы қақтығыстарға қатысу үшін "ыстық нүктелерге" баруды жоспарлаған азаматтар анықталды (2019 және 2021 жылдары 700 қазақстандық Сирия мен Ирак босқындар лагерінен қайтарылды).
Есірткі қылмысына қарсы күреске келетін болсақ, Марат Ахметжанов ШЫҰ-ға мүше мемлекеттердің есірткіге қарсы стратегиясы шеңберінде қабылданған шаралар туралы айтып берді. Ресей ІІМ Есірткі бақылау бөлімшелерімен жұмыс жүргізілуде. Соңғы бір жарым жыл ішінде синтетикалық есірткі өндіретін 40 есірткі зертханасы жойылды.
Ұлттық бақылауда – есірткінің мыңнан астам жаңа түрі. Интернеттегі жарнама ауыр және аса ауыр қылмыстар санатына жатады. Мемлекет басшысының тапсырмасы бойынша ЭЫДҰ дамыған елдерінің үлгісі бойынша қылмыстық сала жаңғыртылуда.
Марат Ахметжанов Қазақстанда полицияның, прокурордың және соттың қатысуымен Сотқа дейінгі тергеудің үш буынды моделі қалай енгізіліп жатқанын айтты. Оның пайда болуымен жұмыс оңтайландырылды және қазір бұл процедура қатаң мерзімде жүзеге асырылады.
Министрдің пікірінше, ақпараттық технологиялар саласындағы қылмыстарға қарсы іс-қимыл үшін ШЫҰ серіктестерімен бірлесіп халықаралық ынтымақтастықтың нақты тетігін әзірлеу қажет.
Марат Ахметжанов бейінді бөлімшелерде тәжірибе алмасу бойынша жұмысты жолға қоюды және тренингтер өткізу мүмкіндігін қарастыруды ұсынды.
Кеңес аясында Марат Ахметжанов әріптестерімен екіжақты келіссөздер жүргізеді. Шағын форматта еліміздің ішкі істер министрі қылмысқа қарсы бірлескен күрестің келешегін талқылайды. Кездесу қорытындысы бойынша кеңес хаттамасына қол қойылды.
ІІМ басшыларының кездесуі ұйымның базалық жарғылық құжатына ШЫҰ Хартиясына қол қойылғанына 20 жыл толғанда және 15-16 қыркүйекте Самарқан қаласында Шанхай Ынтымақтастық Ұйымы елдері көшбасшыларының саммитінің алдында өтетіні есте қаларлық жайт.
