/img/tv1.svg
RU KZ
Министрлік академиялық еркіндікке араласпауы керек – Аймағамбетов

Министрлік академиялық еркіндікке араласпауы керек – Аймағамбетов

Қазақстан ЖОО-ларында қашықтан немесе аралас оқу түрі енгізілуі мүмкін.  

06 Тамыз 2020 21:22 372

Министрлік академиялық еркіндікке араласпауы керек – Аймағамбетов

ҚР Білім және ғылым министрі Асхат Аймағамбетов жоғары оқу орындарының академиялық дербестігі бойынша бірқатар ұсынысын жариялады, деп хабарлайды inbusiness.kz.

«Президент Қасым-Жомарт Тоқаев министрлікке жоғары оқу орындарының академиялық дербестігін одан әрі кеңейту бойынша жұмыс жүргізуді тапсырды. 2018 жылы заң қабылданып, жоғары оқу орындарына академиялық және басқарушылық еркіндік берілді. Осы заң жобасына жауапты бола отырып, оны қабылдаудың қандай маңызды қадам болғанын білемін. Бүгін 2 жылдан кейін осы бағытта жұмыс істеу қажеттігін көріп отырмыз. Министрлік жоғары білім беру жүйесін одан әрі жаңғырту және оның бәсекеге қабілеттігін арттыруға негіз болатын жоғары білім беруді дамыту жөніндегі дағдарысқа қарсы жоспар ұсынады», - деп жазды министр Facebook-тегі парақшасында.

Оның айтуынша, үш қадамнан тұратын жоспарды әзірлеу үшін сараптамалық топ құрылған, бұл топ наурыз айынан бері талқылауды өткізіп келеді.

«Алғашқы қадам – білім беруге бизнес пен өндіріс өкілдерін, шетелдік оқытушыларды тартуды, өңіраралық деңгейде мамандар алмасуын ынталандыру маңызды. Білім беру студентті нарық шындығына дайындауға, одан қалыс қалмауға барынша тырысуы тиіс. Осыған байланысты дәрежелік, штаттық және базалық білім беру жөніндегі талаптарды қайта қарау қажет деп санаймын. Бұл өлшемдерді жою міндеті тұрған жоқ, бірақ олар жоғары оқу орындарының еркіндігін шектемеуі керек. Атап айтқанда, Мейрамхана ісі, Есеп, Туризм, Қызмет көрсету, Қаржы, IT, Журналистика, Қоғаммен байланыс, Стандарттау және сертификаттау сынды оқыту бағыттары бойынша дәрежелік және штаттық талаптардың маңызы жоқ және оқытуға практиктерді тартуды қиындатады», - дейді ведомтсво басшысы.

Сонымен бірге, министр дәстүрлі күндізгі оқумен бірге қашықтан немесе аралас оқу түрін таңдау мүмкіндігін енгізуді ұсынды.

«Нақты форманы таңдау студентке жүктеледі. Ұсынылған оқу түрі көктемдегі жағдайдан өзгеше болады, өйткені бастапқыда-ақ қашықтан оқыту формасы уақытша шешім ретінде енгізілген еді. Әрине, бұл жұмысты оқытушыларды оқытумен және білім беру бағдарламаларын жаңартумен үйлестіру қажет. Қашықтан оқыту формасын толық бейімдеу үшін заңнамалық өзгерістер қажет. Сондай-ақ, жалпы білім беру пәндері (ЖБП) циклі бойынша типтік оқу бағдарламаларын шекті ету, оларды ЖБП игеру қорытындылары бойынша қол жеткізілуі тиіс оқыту нәтижелерін нақты тұжырымдау ұсынылады. Қазір типтік бағдарламаларда нәтижелерді ғана емес, оларға қол жеткізу әдістері де сипатталады. Министрлік бұған араласпауы керек, академиялық еркіндік толыққанды болуы тиіс», - деді А. Аймағамбетов.

 

Дүниежүзілік даму банкі Білім министрінің айтқанын жоққа шығарды

Бүгін арнамызға берген сұхбатында қаржылық институттың тұрақты өкілі Жан Франсуа Марто бұл хабарды бірінші рет естіп тұрғанын жеткізді.  

11 Қыркүйек 2020 21:23 337

Дүниежүзілік даму банкі Білім министрінің айтқанын жоққа шығарды, деп хабарлады Atameken Business.

 Естеріңізде болса,  Білім министрлігінің ноутбук пен интернет үшін 67 млн доллар қарыз алып, оны игерілмегендігі айтылған. Мәселе Парламентте де көтерілді. Алайда, күні кеше ғана министр Аймағамбетов бір тиынын ұстамай берешекті береміз деді. Алайда, «қарызды қайтара саламыз» деп айту оңай. Онсызда бұл ақшаны алу үшін 4 жыл уақыт кеткен. Енді халықаралық банктың талабы қандай болмақ? Бір тиыны кәдеге жарамаған қарыздың үстіне қарыз жамап қайтарып жүрмейміз бе?

Солтүстік және Орталық Азияның көпжақты форумында өзекті мәселелер талқыланды

Тұрақты даму саласындағы мақсаттарды (ТМД) жүзеге асыру жөніндегі Солтүстік және Орталық Азияның көпжақты форумы өтті.  

02 Қыркүйек 2020 18:23 167

Жігерлі жастардың, үкімет өкілдерінің және даму саласындағы мүдделі тараптардың тобы дағдарыстан кейінгі қалпына келтіру және даму саласындағы өсіп келе жатқан сын-қатерлер тұсында неғұрлым тұрақты болашақты құруға қатысты өз үміттерімен бөлісу үшін осы аптада Тұрақты даму саласындағы мақсаттарды (ТДМ) жүзеге асыру жөніндегі Солтүстік және Орталық Азияның көпжақты форумында жиналды.

Форумды аша отырып, Біріккен Ұлттар Ұйымы Бас хатшысының орынбасары және Азия мен Тынық мұхитқа арналған экономикалық және әлеуметтік комиссияның (АТМЭӘК) атқарушы хатшысы Армида Салсия Алишахбана ханым COVID-19 дағдарысының көптеген әлеуметтік-экономикалық секторларға өзара байланысты әрі жиынтық әсерін атап өтті. Солтүстік және Орталық Азия әсіресе ауыр зардаптарға ұшырауы мүмкін, себебі АТМЭӘК болжамы бойынша, 2020 жылы ЖІӨ өсу қарқынының төмендеуі 7 пайыздан аспақ. Індет әсіресе халықтың осал топтары арасындағы әлеуметтік теңсіздікті арттыра түсті.

«2030 жылға дейінгі кезеңге арналған Тұрақты даму саласындағы күн тәртібін кепілді түрде жүзеге асыру үшін үкімет пен барлық мүдделі тараптардың бірлескен күш-жігерімен әлеуметтік, экономикалық және экологиялық секторларда саясат әзірлеу қажет», – деді Алишахбана ханым.

Шанхай Ынтымақтастық Ұйымының экс-Бас хатшысы Ж.М. Рашид Алимов мырза өзінің құттықтау сөзінде: «Ағымдағы дағдарыстан дұрыс сабақ алу, денсаулық сақтау және білім беру саласындағы, азық-түлік қауіпсіздігі мен биоқауіпсіздік саласындағы ынтымақтастық әлеуетін жұмылдыру маңызды», – деп атап көрсетті.

Біріккен Ұлттар Ұйымының 75 жылдығы құрметіне Форум шеңберінде ТДМ-ге жету үшін қалған соңғы онжылдықта ортақ болашақты қалыптастыру мәселелері бойынша көрнекті қайраткерлер мен жастар арасында жоғары деңгейдегі диалог өткізілді. Жастар Солтүстік және Орталық Азия халқының 28,5 пайызын құрайды және неғұрлым тиімді қалпына келтіруді жақтайтын мүдделі тараптардың негізгі топтарының бірі болып табылады.

«Коронавирустық инфекция індетімен байланысты дағдарыстық жағдайлар білім беру мен ғылымда айтарлықтай өзгерістерге әкелді, бірақ біз оларды даму мүмкіндігі ретінде қарастырамыз. Індет кезінде біз осал санаттағы балаларға басым назар аудардық. Ерекше қажеттіліктері бар, аз қамтылған, көп балалы отбасылардан шыққан оқушылар қашықтықтан білім алу салдарынан зардап шекпеуі керек. Қазір білім беру саласындағы саясатты нақтылап, ең осал санаттарды білім беру аясына неғұрлым жақын әрі табиғи түрде қосу үшін инклюзивті мүмкіндіктер жасау уақыты келді. Қолдау оқушылар мен мұғалімдерге қалай қажет болса, ата-аналарға да солай қажет. Министрлік пен басқару органдары барлық жағдайды жасауға тырысуға тиіс. Ешкім назардан тыс қалмауы керек», – деді Қазақстан Республикасының Білім және ғылым министрі Ж.М. Асхат Аймағамбетов мырза.

«COVID-19 СОА-дағы барлық адамдарға кері әсерін тигізді, алайда біз оның ерлер мен әйелдерге әсерін бөлек қарастырып, тиісті саясат шараларын әзірлеуіміз керек. Менің ойымша, іс-шараларды әзірлеу кезінде ауылдық аймақтардағы ұлдар мен қыздарға ең көп көңіл бөлінуі керек», – деді Қырғызстандағы Әйелдер арасындағы кәсіпкерлікті дамыту қорының негізін қалаушы Асель Кубанычбекова ханым.

COVID-19 дағдарысы бизнесті әдеттегі түрде жүргізудің осалдығын көрсетіп, түрлендіру мен Солтүстік және Орталық Азияны неғұрлым тұрақты, инклюзивті және өмірге төзімді етіп құру үшін мүмкіндіктер берді. Осыған байланысты Форум қатысушылары ден қою, қалпына келтіру және ұзақмерзімді даму жоспарларына енгізілген стратегиялық шараларды қабылдау саласындағы озық тәжірибені талқылады. Олар қауіпсіздікті қамтамасыз ету бойынша қажетті шараларды қабылдаумен қатар өңірлік экономиканы ынталандыру саласында өңірлік ынтымақтастық пен серіктестіктің маңызды рөлін атап өтті. Делегаттар адамдар мен ғаламшардың мүдделеріне басым көңіл бөле отырып, байланыс мүмкіндіктерін кеңейту, цифрландыру және инвестициялар қауіпсіздігін қамтамасыз ету жөнінде келісімге келді.

АТМЭӘК тарапынан жыл сайын өткізілетін ТДМ жүзеге асыру жөніндегі субөңірлік форум мүдделі тараптардың көптеген топтары арасында барлығына ашық диалог жүргізуге мүмкіндік береді және даму саласындағы ағымдағы міндеттерге қатысты бірегей субөңірлік мүмкіндіктерді ашады. Осы жылы, сонымен қатар, бірқатар ұйым өңірдің даму саласындағы күш-жігеріне COVID-19 індетінің әсері туралы жаңа бастапқы зерттеулер нәтижелерімен бөлісті. Форум жұмысының нәтижелері 2021 жылғы Орнықты даму жөніндегі Азия-Тынық мұхит форумының басты тезистеріне негіз болып, сондай-ақ мүше мемлекеттерге ерікті ұлттық шолуларды (ЕҰШ) дайындауға және ТДМ жүзеге асыруға жәрдемдеседі.