Бүгін Нұр-Сұлтан қаласынан Екібастұз қаласына тағы 37 отбасы көшті, деп хабарлайды елорда әкімдігінің ресми сайты.
Әкімдіктің дерегіне сүйенсек, осы уақытқа дейін Екібастұзға 169 отбасы – 996 адам көшіп барған. Оның 319-ы еңбекке жарамды ересек адамдар, ал 667-сі бала.
"Нұрлы Ертіс" бағдарламасы шеңберінде Екібастұзда бес қабатты бірнеше тұрғын үй салынды. Оның 3 бөлмелі 122 және 2 бөлмелі 100 пәтері елордадан көшіп барған тұрғын үй кезегіндегі отбасыларға арналған. Пәтерді жалдау ақысы айына шаршы метріне 99 теңгені ( 7722 теңгеден 8000 теңгеге дейін) құрайды",– делінген хабарламада.
Павлодар облысы әкімдігі өкілдерінің сөзінше, пәтерлерді жеке меншікке беру мәселесі жалдамалы пәтерде 5 жыл тұрғаннан кейін шешіледі.
Қазіргі уақытта 2 бөлмелі пәтерге отбасымен көшуге ниетті отбасылардың өтінімдері қабылданып жатыр. Бағдарлама қатысушыларына тұрақты жұмыс, ал балаларына балабақша мен мектептен тегін орын ұсынылады. Сондай-ақ қайтарымсыз негізде мектеп формасы, оқу құралдары және тегін тамақ, жол жүру билеті беріледі.