2021 жылғы 8 айда (қаңтар–тамыз) жиһаз бен кілем бағасы өткен жылмен салыстырғанда 6%-ға, орындықтар 5,5%-ға, диван-төсектер 6,9%-ға, кілемдер 4,5%-ға өскен, деп хабарлайды, inbusiness.kz порталы energyprom.kz-ке сілтеме жасап.
Соңғы 5 жылда жиһаз бағасының орташа жылдық өсімі 5,6% болды.
Биыл наурызда жүргізілген сауалнамаға сәйкес тозған жиһазды ауыстыруға ақшасы жетпейтін қазақстандықтардың үлесі бір жылда 26,3%-дан 27,4%-ға дейін артқан.
Респонденттердің тағы 10,8% (өткен жылғы көрсеткіш 10,4%) тозған жиһазды басқа себептерге байланысты ауыстыра алмайтынын айтқан.
Ескі жиһазды ауыстыра алатындар бір жылда 47,4%-дан 45,1%-ға дейін қысқарған. Сұраққа жауап бергендердің тағы 16,7%-ы бұл сауал өзекті емес екенін жеткізген.
2021 жылғы бірінші жартыжылдықта жиһаз бен интерьер заттарын жөндеу бойынша 495,1 млн теңгенің қызметі көрсетілген, 2020 жылғы қаңтар-маусымға қарағанда 12,1%-ға артық.
Биыл қаңтар-маусымда жиһаз өндірісі 32,2 млрд теңге болды, өндірістің нақты жылдық өсімі – 19%. Өткен жылы ұқсас кезеңде өндіріс 8,3%-ға төмендеген еді. Отандық жиһаз өндірушілер нарықтағы сұранысты қамтамасыз ете алмай отыр.
Ас үй жиһазы сегментінде 39,5 мың өнім өндірілді, импорт өнім үлесі – 33,3 мың, яғни импорт нарықтағы үлесі – 45,7%.
Металл қаңқалы орындықтардың, табуреткалардың және отыруға арналған басқа да жиһаздардың сегментінде жағдай салыстырмалы түрде тұрақты: биыл бірінші жартыжылдықта отандық компаниялар осындай жиһаздың 506,5 мың бірлігін шығарған, ал импортқа 481,1 мың бірлік жіберілген немесе ресурстардың 48,7%.
Елде орындықтар, табуреткалар және басқа да ағаш қаңқалы отыруға арналған 64,5 мың бірлік өнім өндірілген, ал 314,9 мың бірлік осындай жиһаз немесе ресурстардың 83%-ы импортталған.
Асхана мен қонақ бөлмелерге арналған ағаш жиһаз сегментінде отандық компаниялар 24,1 мың өнім шығарды, 312,8 мың бірлігі импортталды – ресурстардың 92,9%.
Дәурен Ерболат
