Енді банктің бірқатар қаладағы бөлімшесі сенбі күні де жұмыс істейді.
"Біржолғы зейнетақы төлемдерін (БЗТ) пайдала отырып, "Отбасы Банкіндегі" заемын өтегісі келетін клиенттер үшін Нұр-Сұлтан, Алматы, Ақтау және Жаңаөзендегі банк бөлімшелері сенбі күні де жұмыс істейтін болды.
"6 ақпан таңғы сағат 9:00-ден кешкі 21:00 дейін БЗТ арқылы ипотекалық қарызды мерзімінен бұрын және толық өтеу операциясы қолжетімді болады.
Осы күні қабылданатын төлемдердің барлығын клиенттер 5 ақпан мерзімімен өтей алады. Бұл бір күн болса да пайыздық үстемені кем төлеуге мүмкіндік береді", - делінген хабарламада.
Сонымен қатар кезекті онлайн брондап үлгермеген, қызмет түрін ала алмай қалған клиенттер үшін де жағымды жаңалық бар.
"Клиенттер банк бөлімшесіне бармас бұрын www.enpf-otbasy.kz онлайн платформасындағы жеке кабинетіне кіріп, өтінішіндегі "Банкті таңдау" бөліміндегі тізімнен "Отбасы Банкін" таңдап, "Өтінім жолдау" батырмасын басуы керек. Мұнда құжаттарды жүктеудің қажеті жоқ, олар банктің мәліметтер базасында бар", - делінген хабарламада.
Баспасөз қызметінің мәліметінше, карантин режимін сақтау үшін клиенттер hcsbk.kz/contacts/ сайты арқылы банк бөлімшесіне келу уақытын брондауы шарт.
"Брондау кезінде "Посткредит" мақсатын, әрі қарай "Кредитті өтеу (жартылай/толық)" операциясын таңдауы керек. Егер клиенттің қосалқы қарыз алушысы (созаемщик) болса, жаңа төлем кестесіне қол қою үшін оны қоса ертіп келген жөн", - делінген хабарламада.
"Отбасы банк" коронавирус пандаемиясы кезінде клиенттерге сақтық шарасын қатаң сақтауға кеңес береді. Банк бөлімшесіне келгенде маска тағып, ара қашықтықты сақтап, зарарсыздандыру құралдарын пайдалану қажет.
