Ол Гиннесс рекордтары кітабына енгізілмек. Өзбекстандағы Ислам өркениеті орталығының директоры Шоазим Миноваров бұл жөнінде әлеуметтік желідегі парақшасында жаздыдеп хабарлайды inbusiness.kz.
"Ораза айт мерекесі қарсаңында Өзбекстанның Ислам өркениеті орталығы Құран Кәрімнің әлемдегі ең үлкен қолжазба парағын жасап, жазып бітті", деп жазды Миноваров.
Оның хабарлауынща, бұл парақ – XIV ғасырда Тимуридтер империясының үшінші билеушісі Шохрух Мырзаға арналып жазылған Құран парағының көшірмесі.
Қолжазба парағын жазып шығу үшін мамандар Жапониядан әкелінген арнайы қағазды пайдаланған. Бояуы Түркиядан әкелініп, судан шайылып алынған өзбек алтыны да қолданылған. Ауқымды жұмысты Ташкенттегі Ислам институтының түлегі Нәжімеддин Фаезий алты айдың ішінде аяқтапты.
Қолжазба еңбегі Гиннесс рекордтары кітабына енгізілмек.
