/img/tv1.svg
RU KZ
Пара алғандар айыппұлмен құтылды

Пара алғандар айыппұлмен құтылды

Шымкенттік шенеунік пара алғаны үшін 4,5 млн теңге айыппұл төлейді.

14 Қыркүйек 2019 17:28 1979

Пара алғандар айыппұлмен құтылды

Шымкентте еңбек, әлеуметтік қорғау және көші-қон комитеті қалалық департаментінің бөлім бастығы пара алғаны үшін сотталды, деп хабарлайды ҚазАқпарат.

Шымкент қалалық сыбайлас жемқорлыққа қарсы күрес департаменті еңбек, әлеуметтік қорғау және көші-қон комитеті қалалық департаментінің медициналық-әлеуметтік сараптама бөлімінің бастығы Д.Шегеловқа қатысты істі тергеп бітті.

Д. Шегелов арадағы делдал Бектемір арқылы қалалық ИЧ-167/7 түзеу мекемесінің медициналық-санитарлық бөлімінің бастығы Н. Қалымбетовтен 150 мың теңге пара алды деп айыпталып отыр. Ол мұны осы түрмеде жазасын өтеп жатқан сотталушы А. Захарченкоға ІІІ топ мүгедегі деген қорытынды жазып бергені үшін алған.

13 қыркүйекте әл-Фараби аудандық сотының үкімімен Шегеловқа – 4,5 млн теңге, Бектемірге – 750 мың теңге, Қалымбетовке 3 млн теңге айыппұл салынды.

Айыпталушы Шегелов пен Қалымбетов мемлекеттік қызметте жұмыс істеу құқығынан өмір бойына айырылды.

Параға автокөлік алған шенеунік 7 жылға сотталды

«Toyota camry» маркалы автокөлік 8,8 млн теңге тұрады.

10 Желтоқсан 2019 14:01 505

Ұлттық тестілеу орталығы директорының бұрынғы орынбасары сыбайлас жемқорлыққа барғаны үшін сотталды, деп хабарлайды Елорда Инфо.

«Сыбайлас жемқорлыққа қарсы қызмет бұрын ҚР БҒМ «Ұлттық тестілеу орталығы» РМҚК директорының бұрынғы орынбасары Д.С.Жақсыбековке қатысты сыбайлас жемқорлықпен айналысты деген күдікпен сотқа дейінгі тергеу жүргізді. Д.С. Жақсыбеков «ProBusineSS.kz» ЖШС директоры С.А.Панкеевтен құны 8,8 млн теңге болатын «Toyota camry» маркалы автокөлігін пара ретінде алды деген күдікке ілінген, аймақтарда аталған ЖШС-нің ҰБТ өткізу кезінде қызмет көрсету бойынша мүддесін қорғаған», – деп хабарлайды ҚР Сыбайлас жемқорлыққа қарсы іс-қимыл агенттігі.

2019 жылдың 9 желтоқсанында Нұр-Сұлтан қаласының Байқоңыр аудандық №2 соты Д.С.Жақсыбековті кінәлі деп тауып, оған 7 жылға бас бостандығынан айыру жазасын кесті.

Ол сондай-ақ, өмір бойы мемлекеттік қызметте қызмет атқару құқығынан айырылды.

Шетелдіктер қазақстандық шенеуніктерге пара бергендерін мойындады

Монакода тіркелген консалтингтік компанияның бұрынғы басшысы қазақстандық шенеуніктерге пара берген.

31 Қазан 2019 15:31 520

Шетелдік топ-менеджерлер қазақстандық шенеуніктерге пара бергендерін мойындады, деп хабарлайды Atameken Business.

­­Монакода тіркелген консалтингтік компанияның бұрынғы басшысы қазақстандық шенеуніктерге пара бергенін мойындады. Сириус Ахсани және  Саман Ахсани есімді топ менеджерлер  бірқатар елде лауазымды адамдарға миллиондаған доллар пара беруге бағытталған сыбайлас жемқорлық схемасына қатысқан. Бұл мәліметті РИА Новости агенттігі АҚШ Әділет министрлігіне сілтеме жасап хабарлады.

Тізімде Қазақстан да көрсетілген. Топ-менеджердің екеуі де-Ұлыбритания азаматы. Олар басшылық еткен компания 1999-2016 жылдар аралығында энергетикалық сектор саласында кеңес беру қызметтерін көрсеткен.