IDC зерттеу компаниясының есебінде жарияланғандай, үшінші тоқсанда
планшеттердің әлемдік саудасы 14,7%-ға төмендеді. Өткен жылдың осы кезеңінде 50,5 млн планшет сатылған болса, биылғы көрсеткіш 34 млн планшет сатылған, деп жазды "КоммерсантЪ".
Нарықта барлық сауданың 21,5%-ын иеленген Apple компаниясы алдына қара салмай тұр (дей тұрғанмен оның саудасы өткен жылмен салыстырғанда 6,2%-ға төмендеген).
Екінші орынды 15,1%-дық үлеске ие оңтүстіккореялық Samsung корпорациясы иеленеді. Ал үшінші орында Fire планшеттерімен саудасын қыздырған Amazon тұрақтады (7,3%, 319%-ға өскен, мұндай өсім былтыр IDC аталмыш компанияның барлық планшеттерін есепке алмауымен байланысты).
Алғашқы бестікке сондай-ақ қытайлық Lenovo (6,3%) және Huawei еніп отыр. Планшеттер саудасы бірнеше жылдан бері құлдырай бастаған. IDC болжамы бойынша, жалпы жыл ішінде сатылған планшеттердің саны 9,6%-ға төмендейді, бұл өткен жылғы 10%-бен салыстыруға тұрарлық. Есепті жасаушылардың бағалауы бойынша, планшеттер арасында әсіресе бюджеттік түрі сұранысқа ие көрінеді.
