Нұр-Cұлтан қаласында өткен кәсіпкерлердің VI съезінде "Атамекен" ұлттық кәсіпкерлер палатасы басқарма төрағасының орынбасары Рустам Жүрсінов еліміздегі қолма-қол ақшасыз есеп айырысу көлемі ерекше қарқынмен дамып жатқанын мәлімдеді.
Оның сөзінше, қазір қолма-қол ақшасыз есеп айырысу нарығында ай сайын 1 трлн теңгеден астам ақша айналып жатыр.
"Бизнеске түсетін салмақты жеңілдету үшін ұлттық кәсіпкерлер палатасы POS-терминал мен кассалық бақылау аппаратын QR код пен Tap to Phonе технологиясына алмастыратын кәсіпкерлерді ынталандыруды ұсынады", – деді Рустем Жүрсінов.
Басқарма төрағасы орынбасарының сөзінше, қолма-қол ақшасыз есеп айырысу жүйесіне серпін беріп, қызмет көрсетудің қолжетімділігін арттыру үшін өңірлерді интернетпен қамту керек.
Қанат Махамбет
