/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 376,04 Brent 36,55
Шымкенттік науқаспен бір автобуста болған 51 жолаушының 35-сі карантинде

Шымкенттік науқаспен бір автобуста болған 51 жолаушының 35-сі карантинде

Қалғаны іздестіріліп жатыр. Бұл туралы ҚР Ақпарат және қоғамдық даму министрі Дәурен Абаев мәлім етті. 

25 Наурыз 2020 18:12 250

Шымкенттік науқаспен бір автобуста болған 51 жолаушының 35-сі карантинде

«Автобус анықталды. 51 жолаушының 35-і табылды. Қазір олар карантинде. Ал қалған 16-сы іздестіріліп жатыр. Жақын арада олар да табылып, карантинге жатқызылады», – деді министр.

Айта кетейік, коронавирус жұқтырудың бұл фактісі 24 наурызда тіркелген еді.
Сондай-ақ Абаев екі қазақстандық науқастың аурудан айыққанын мәлім етті. Оның сөзінше, олар 26 наурызда ауруханадан шығарылады. 

Табиғат Нұрболат

Еуроодақ коронавируспен күреске 140 млн еуро бөледі

Осы орайда ЕО елдері енді  G7 және G20 мемлекеттерімен серіктестік орнатпақ.

27 Наурыз 2020 12:29 218

Еуроодақ коронавируспен күреске 140 млн еуро бөледі

ЕО коронавирус пандемиясымен күреске, Covid-19 вирусына қарсы вакцина жасап жатқандарға 140 млн еуро көлемінде қаражат шығындамақ. Одақ көшбасшылары қазіргі жағдайды талқылай келе, еуропалық зерттеу компанияларына бөлінетін қаржы көлемін көбейтетін болып шешті. 

«ЕО ішінде, сонымен қатар басқа елдер арасында ғылыми ақпаратпен алмасу жүргізілу керек. Және вакцинаны тез арада шығару мақсатында бірлесе жұмыс атқарылып, препараттар әлемнің кез келген еліне қолжетімді болуы тиіс», – деп жазылған Еуропалық кеңестің ресми мәлімдемесінде.

Осы орайда ЕО енді  G7 және G20 мемлекеттерімен серіктестік орнатпақ. Сондай-ақ одақ елдері алдағы екі апта ішінде Еуропалық кеңеске коронавирус пандемиясының әлеуметтік және экономикалық салдары бойынша өз ұсыныстарын айтуға тиіс.

Табиғат Нұрболат

Коронавирус: G20 саммитінің қорытындысы

26 наурызда G20 елдері басшыларының саммиті алғаш рет видео конференция форматында өтті.

27 Наурыз 2020 10:20 252

Коронавирус: G20 саммитінің қорытындысы

Тараптар коронавируспен күрестегі бірлескен әрекеттер мен пандемияның экономикалық салдарын талқылады. 

Олар мынадай келісімге келді:
- Коронавирус пандемиясымен бірлесе күрес жүргізу;
- Індет салдарымен күреске 5 трлн доллар бөлу;
- Халықаралық сауданың тұрақты және еркін жүргізілуін қамтамасыз ету үшін бірлесе жұмыс атқару;
- Дүниежүзілік денсаулық сақтау ұйымы, БҰҰ және Халықаралық валюта қорымен бірлесе індетке қарсы күрес жүргізу;
- ДДҰ-на қаржылай көмек көрсету;
- Коронавирус пандемиясы кезінде ДДҰ-ның өкілеттігін кеңейту;

Сонымен қатар G20 елдері Халықаралық валюта қоры мен Дүниежүзілік банкті пандемия салдарына қатысты мәліметтермен бөлісуін сұрап, Халықаралық еңбекті ұйымдастыру және экономикалық ынтымақтастық пен даму Ұйымына пандемияның жұмыс орындарына қалай әсер етіп жатқанын қадағалауды тапсырды.

Табиғат Нұрболат