Бұл туралы Сыбайлас жемқорлыққа қарсы іс-қимыл агенттігінің баспасөз қызметі хабарлады.
"Биылғы жылдың 7 шілдесінде Қазақстан Республикасы Сыбайлас жемқорлыққа қарсы іс-қимыл агенттігі "СҚ-Фармация" ЖШС қызметіндегі сыбайлас жемқорлық тәуекелдеріне сыртқы талдауды бастады, ол ағымдағы жылдың 31 шілдесіне дейін жалғасады", – деп жазылған агенттік таратқан хабарламада.
Талдауды Cыбайлас жемқорлыққа қарсы қызметтің, СҚ-Фармацияның қызметкерлері мен қоғамдық ұйымдардың өкілдері жүргізбек.
"Талданатын сала халық үшін өзекті екенін ескере отырып, СҚ-Фармацияның құзыретіне кіретін белгілі әкімшілік кедергілер, сондай-ақ сыбайлас жемқорлыққа ықпал ететін себептер мен мән-жайлар туралы мәліметтерді хабарлауды сұраймыз. Бұл ақпарат сыбайлас жемқорлық тәуекелдерін анықтау және оларды жою бойынша ұсынымдар әзірлеу кезінде пайдаланылатын болады", – деп жазылған Сыбайлас жемқорлыққа қарсы іс-қимыл агенттігі таратқан хабарламада.
