Солтүстік Қазақстан облысында "Халық кеңесінің" үш мүшесі 2 ай мерзімге қамауға алынды.
18 сәуірде Қылмыстық Кодекстің 179-бабы 2-бөлігі бойынша және 180-бабы 2-бөлігі бойынша қарастырылған қылмыстық құқық бұзушылық жасағандықтары үшін ҰҚК СҚО бойынша департаментімен "Халық кеңесінің" 3 мүшесі ұсталды.
"20 сәуір күні Петропавл қаласының мамандандырылған тергеу сотымен барлық үш фигурантқа қатысты мерзімі 2 айға "қамауда ұстау түрінде" бұлтартпау шарасы санкцияланды", - делінген хабарламада.
Еске салайық, Петропавлда өздерін "Халық кеңесі" деп атаған бір топ адам Қазақстаннан тәуелсіздік алғандарын жариялаған болатын. Бас прокуратура аталмыш топтың 18 қатысушысынан жауап алынғанын хабарлады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
