Тәжікстан коронавирус пандемиясын толықтай еңсерді. Ел президенті Эмомали Рахмон осындай мәлімдеме жасады.
"Тәжікстанда қазір коронавирус жоқ, ол толығымен жойылды", – дей келе мемлекет басшысы тұрғындар қауіпсіздік шараларын сақтау керектігін еске салды.
"Біз босаңсып, жеке және қоғамдық гигиена ережелерін ұмытпауымыз керек", – деді ол.
Президенттің айтуынша, өткен жылы Тәжікстан үкіметі ұлттық денсаулық сақтау жүйесіне 1,6 миллиард сомони көлемінде қаражат (145 миллион доллардан астам) бөлген, сонымен қатар 30-ға жуық жаңа аурухана коронавирусты жұқтырғандарды емдеу үшін қолданысқа берілген. Пандемиямен күресу үшін ауруханаларда 7 мыңнан астам жаңа орын ашылып, науқастарды 5400 медицина қызметкері емдеген.
Денсаулық сақтау министрлігінің мәліметінше, Тәжікстанда соңғы 15 күн ішінде коронавирус жұқтырудың бірде-бір фактісі тіркелген жоқ.
Табиғат Нұрболат
Фото: fergana.news
