Теміртау маңындағы саяжайларда өрт шығып, салдарынан жүздеген үй жанып кетті, деп хабарлайды Atameken Business.
Тілсіз жауды ауыздықтауға өрт сөндіру пойызы, 7 арнайы техника және 64 өрт сөндіруші жұмылдырылды.
Негізгі күш тұрғын үйлерді, теміржол қатынас жолдарын, "Жаңа ауыл" стансасының және "Металлургическая" қосалқы стансасының нысандарын сақтап қалуға жұмсалды.
Төтенше жағдайлар басқармасының хабарлауынша, 40 гектар аумақта қоқыс пен ағаш шарбақтар, сондай-ақ саяжайға жақын жерде құрғақ шөп өртенді.
Тілсіз жау барлығы 160 гектар аумақты шарпыған. Қызыл жалынның салдарынан иесі бар 20 және иесіз жатқан 700-ден астам саяжай үйі күлге айналды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
